Hópur Veraldarvina vinnur nú að  uppgræðslu  í Eskifjarðardal.  Þetta er fjórða sumarið sem unnið er að landformun og uppgræðslu. Efnistökusvæðin í dalnum hafa verið jöfnuð og sáð í þau.  Eftir þetta sumar má segja að öll þau svæði þar sem efnistaka fór fram í dalnum síðustu áratugi hafi verið grædd upp og mun landið jafna sig og gróa frekar á næstu árum. 

Verkefnið er unnið með liðstyrk frá Vegagerðinni og Landgræðslu ríkisins. 


Á efri myndinni eru Veraldarvinir frá öllum heimshornum að hvíla lúin bein í hádeginu.  Á neðri myndinni  má sjá eitt af svæðunum sem Veraldarvinir hafa unnið við að græða upp.