Tjaldaðu á fallegum tjaldsvæðum í Fjarðabyggð

Í Fjarðabyggð eru skipulögð tjaldsvæði á öllum sex þéttbýlisstöðunum.  Á öllum tjaldsvæðunum er góð aðstaða til að grilla og leiksvæði fyrir börnin.  Sjá gjaldskrá 

• Mjóifjörður

  Tjaldsvæðið er í umsjón ferðaþjónustunnar Sólbrekku.  Tjaldsvæðið er í kyrrð og ró í fallegu umhverfi.  Á tjaldsvæðinu er hreinlætisaðstaða og sturtur.

   

   

• Eskifjörður

  Tjaldsvæðið við Bleiksána, við innkeyrsluna í bæinn, og er umvafið fallegri skógrækt.  Þar eru sturtur, snyrting, rafmagn fyrir húsbíla og gott leiksvæði fyrir börnin.  Stutt er í sundlaug, kaffihús og shellskála.  
  
  

• Fáskrúðsfjörður

  Tjaldsvæðið er í friðsælu umhverfi við fallegt lón rétt innan við byggðina.  Þar eru klósett, rafmagn fyrir húsbíla og WC-losun.
  
  

• Reyðarfjörður

  Tjaldsvæðið við innkeyrsluna í bæinn hjá Andarpollinum. Á tjaldstæðinu er ný og góð hreinlætisaðstaða með sturtum. Rafmagn fyrir húsbíla er á svæðinu og stutt í WC-losun fyrir húsbíla hjá Olís Reyðarfirði.
  
  

• Stöðvarfjörður

  Tjaldsvæðið er við austurenda byggðarinnar.  Þar er klósett og wc- losun fyrir húsbíla.  Í skógræktinni við tjaldsvæðið eru skemmtilegar gönguleiðir og gott leiksvæði fyrir börnin.
  
  
  

• Norðfjörður

  Nýtt tjaldsvæðið er við snjóflóðavarnargarðana ofan við bæinn í Drangagili.  Þar er góð hreinlætisaðstaða með sturtum, rafmagn fyrir húsbíla og leiksvæði fyrir börnin.  Þaðan er frábært útsýni yfir Norðfjarðarflóa.