Rannsóknarsjóður Fjarðabyggðar
og Landsbanka Íslands
Sjóðurinn var stofnaður þann 7. október 2005 með það að markmiði að hvetja háskólafólk til að vinna lokaverkefni sín í og um Fjarðabyggð og að efla samstarf Fjarðabyggðar við hinar ýmsu háskólastofnanir landsins og með því koma sveitarfélaginu Fjarðabyggð á markvissan hátt inn í íslenskt rannsóknarsamfélag. Þessu markmiði hyggjast stofnaðilar ná með því að veita styrk til valinna rannsóknarverkefna sem unnin eru í og um Fjarðabyggð.
Úthlutun
Úthlutun úr Rannsóknarsjóði Fjarðabyggðar og Landsbanka Íslands fer fram 15. mars ár hvert og er umsóknarfrestur 1. mars. (en 9. mars 2011 skv. ákvörðun formanns sjóðsins) Allt að 4 verkefni geta hlotið styrk í hvert sinn og eru styrkupphæðir frá 50.000 - 100.000 kr.
Úthlutunarreglur
- Einungis er úthlutað til rannsókna sem unnar eru um Fjarðabyggð.
- Skilyrði fyrir styrkveitingu er að rannsóknaraðilar skili inn fullbúinni rannsóknaráætlun, samþykktri af leiðsagnarkennara.
- Lokaskýrslu skal skilað eigi síðar en ári eftir að úthlutun hefur farið fram, að öðrum kosti fyrnist viðkomandi úthlutun.
- Styrkur er greiddur í einu lagi við afhendingu lokaskýrslu viðkomandi rannsóknarverkefnis. Skýrslu skal skilað í tveimur eintökum.
- Skilafrestur umsókna er 1. mars ár hvert og fer úthlutun fram í síðasta lagi 2 vikum síðar.
- Ef þess er óskað mun sveitarfélagið reyna að koma til móts við rannsóknaraðila hvað varðar vinnuaðstöðu og gistipláss meðan á rannsóknarvinnu í Fjarðabyggð stendur.
Hugmyndabanki
Hugmyndir að verkefnum geta nemar m.a. sótt í hugmyndabanka sem er unninn í samstarfi við stofnanir og fyrirtæki á svæðinu.
Allar frekari upplýsingar um sjóðinn veitir Ingibjörg Ólafsdóttir upplýsinga- og kynningarfulltrúa Fjarðabyggðar í síma 470-9036 eða á tölvupóstfangið ingibjorg.olafsdottir@fjardabyggd.is
Hugmyndabanki
Umsóknareyðublað
Fréttir af starfi sjóðsins:
Þrjú verkefni styrkt af Rannsóknarsjóði
Fyrsti styrkurinn greiddur út
Fjórir fá styrk frá Rannsóknarsjóði
Ritgerðir sem hafa hlotið styrk frá sjóðunum: