Til Baka

199. fundur bæjarráðs

Bæjarráð - 199. fundur  

haldinn í fundarsal á bæjarskrifstofunum að Hafnargötu 2 á Reyðarfirði, þriðjudaginn 25. maí 2010 og hófst hann kl. 09:00

 

 

Fundinn sátu Guðmundur Þorgrímsson formaður, Valdimar O Hermannsson, Díana Mjöll Sveinsdóttir, Helga Jónsdóttir bæjarstýra og Gunnlaugur Sverrisson forstöðumaður stjórnsýslu er jafnframt ritaði fundargerð.

 

 

Dagskrá:

 

1.

1005159 - Gamli skólinn Eskifirði - Frá íbúasamtökum Eskifjarðar

Fyrirspurn Íbúasamtaka Eskifjarðar vegna gamla barnaskólans á Eskifirði. Vísað til umhverfissviðs með beiðni um umsögn fyrir næsta fund um stöðu hússins og annarra gamalla húsa í Fjarðabyggð.

 

2.

1005152 - Umbætur á vsk-umhverfi sveitarfélaganna

Lögð fram til kynningar greinargerð frá Sambandi íslenskra sveitarfélaga til stjórnar Sambands íslenskra sveitarfélaga og endurskoðunarnefndar um tekjustofna sveitarfélaga.

 

3.

0905099 - Sorpurðun - Samstarf við Fljótsdalshérað, Seyðisfjarðarkaupstað og Fljótsdalshrepp

Mannvirkjastjóri sat þennan lið fundarins og fór yfir umsögn sína frá 25.maí  um þau atriði sem helst þarf að horfa til og skoða áður en til samstarfs kæmi milli Fljótsdalshéraðs, Seyðisfjarðarkaupstaðar og Fljótsdalshrepps um sorpurðun.

 

4.

1003023 - Heildaryfirlit yfir framlög úr Jöfnunarsjóði sveitarfélaga á árinu 2009

Lagt fram til upplýsinga.

 

5.

1005192 - Framtíð og uppbygging Sjóminjasafns Austurlands

Gunnar Jónsson stjórnarmaður sat þennan lið fundarins og fór yfir efni bréfs stjórnar Sjóminjasafns Austurlands  frá 21.maí. er varðar geymsluhúsnæði og framtíð og uppbyggingu safnsins.   Bæjarráð tekur jákvætt í erindið og vísar því til hafnarstjórnar.

 

6.

1005195 - Þakkarbréf fyrir framlag til Haítí

Lagt fram til kynningar þakkarbréf Rauða kross Íslands frá 10.maí vegna framlags Fjarðabyggðar til hjálparstarfs á Haítí.

 

7.

1005181 - Ársreikningur Hulduhlíðar 2009

Ársreikningur lagður fram til kynningar.

 

8.

1005151 - Fundargerð 774. stjórnarfundar Samband íslenskra sveitarfélaga

Fundargerð lögð fram til kynningar.

 

9.

1005202 - Umsögn SSA og ÞFA við Stefnumótandi byggðaáætlun

Lögð fram til bókunar umsögn SSA og Þróunarfélags Austurlands frá 23.maí um Stefnumótandi byggðaáætlun 2010 - 2013.

 

10.

1005185 - Skólastjórastaða við Tónskóla Neskaupstaðar

Fræðslustjóri sat þennan lið fundarins. Framlagt minnisblað fræðslustjóra frá 21.maí en þar kemur fram að Ágúst Ármann Þorláksson skólastjóri Tónskóla Neskaupstaðar hefur sagt starfi sín lausu frá 1.september 2010.  Bæjarráð felur fræðslustjóra að auglýsa starfið.

 

11.

1003045 - Sumarvinna 2010 - allar umsóknir

Lögð fram tillaga mannvirkja- og umhverfisstjóra frá 24.maí um fjölgun sumarstarfa. Bæjarráð samþykkir tillögu með því skilyrði að sumarstarfsmenn eigi lögheimili í Fjarðabyggð.  Þrjár milljónir takist af liðnum leiksvæði, en auk þess munu stjórnendur Fjarðabyggðar leita eftir því að draga úr kostnaði til að mæta þessari umframkeyrslu, en það sem ekki næst að brúa með þessu fyrirkomulagi verður lagt fram í formi viðbótarframlags frá bæjarráði.

 

12.

1005150 - Fundargerð félagsmálanefndar nr. 35

Fundargerð lögð fram.

 

13.

1005009F - Hafnarstjórn – 70

Fundargerð lögð fram.

 

14.

1005006F - Menningar-, íþrótta- og ferðamálanefnd - 36

Fundargerð lögð fram.

 

15.

1005011F - Öldrunarþjónustunefnd – 20

Fundargerð lögð fram.

 

16.

1005008F - Fræðslunefnd – 30

Fundargerð lögð fram.

 

17.

1005016F - Umhverfis- og skipulagsnefnd - 44

Fundargerð lögð fram.

 

18.

1005010F - Mannvirkjanefnd – 33

Fundargerð lögð fram.

 

 

Ályktun um þjóðveg eitt

 

Bæjarráð Fjarðabyggðar skorar á samgönguyfirvöld að skilgreina þjóðveg eitt á Austurlandi nú þegar um Suðurfjarðaveg og Fagradal. Það er í samræmi við áherslur í samgönguáætlun þar sem forgangsröðun á að byggjast á öryggi vegfarenda, umferðarþunga, styttingu vegalengda og tryggum heilsárssamgöngum. Fagridalur er besta og öruggasta tenging fjarðanna við Héraðið, flugvöllinn og aðra þjónustu sem þar er. Veginum um Fagradal er nú þegar vel þjónað allan ársins hring enda er hann forsenda þess að horft sé á Hérað og firði sem sameiginlegt atvinnusvæði.

 

Samþykkt í bæjarráði Fjarðabyggðar 25.maí 2010

 

Guðmundur Þorgrímsson (sign)

 

Díana Mjöll Sveinsdóttir (sign)

 

Valdimar O. Hermannsson (sign)

 

Að gefnu tilefni áréttar bæjarráð ákvörðun frá 19.mars 2007 um að fasteignir sem sveitarfélagið á og ræður yfir séu ekki leigðar til farandsala. Forstöðumanni stjórnsýslu falið að senda bréf til leigutaka í húsnæði bæjarins þessa efnis.

 

Fleira ekki gert. Fundi slitið kl. 12:05.

-

Til Baka
| Meira
Stærra letur Minna letur Litabreytingar