Hvaða þjónustu er lýst
Félagsmiðstöðvar mæta þörf 13 til 16 ára unglinga fyrir uppbyggilegt og gefandi félagsstarf í frítíma þeirra. Áhersla er lögð á fjölbreytni í starfinu og að ná til þeirra unglinga sem þarfnast félagslegs stuðnings. Í öllum félagsmiðstöðvum starfa unglingaráð sem móta viðfangsefni líðandi stundar í félagsmiðstöðinni og eru málsvarar unglinganna. Forvarnir meðal unglinga, hvað varðar reykingar, vímuefni og einelti er stór þáttur í starfinu.
Fyrir hverja er þjónustan ?
Þjónustan er fyrir 13-16 ára unglinga
Hvað kostar þjónustan?
Það kostar ekkert að koma í félagsmiðstöðina á opnunartíma. Kostnaði á böll, tónleika og aðra viðburði er haldið í lágmarki. Ferðalög eru yfirleitt greidd með fjáröflun unglinganna.
Hvar er þjónustan veitt, hvenær, símanúmer og netfang?
Félagsmiðstöðvarnar í Fjarðabyggð eru fyrir unglinga í 8. - 10. bekk og þær eru opnar þrisvar í viku að jafnaði á starfstíma skólanna frá ágúst til maí. Opnunartímar eru frá kl. 20:00-22:00 tvo daga í viku og frá 20:00-23:00 á föstudögum. Á Fáskrúðsfirði og Stöðvarfirði er opið annað hvert föstudagskvöld. Jafnframt er opið fyrir nemendur 5.-7. bekkjar aðra hverja viku einn dag í viku frá kl. 17:00-19:00. Vegna hefða eru aldursmið aðeins mismunandi á milli þéttbýlisstaða.
- Félagsmiðstöðin Atóm, Egilsbraut 4, Norðfirði 740 Fjarðabyggð, sími: 477 1819, atom@fjardabyggd.is
.is
Hvernig eru ábendingar og kvartanir meðhöndlaðar?
Þeim skal beint til forstöðumanns viðkomandi félagsmiðstöðvar og ef við á til fræðslustjóra í síma 470 9000 eða á netfangið fjardabyggd@fjardabyggd.is
Hver hefur yfirumsjón með þjónustunni?
Fræðslustjóri í síma 470 9000, netfang fjardabyggd@fjardabyggd.is