mobile navigation trigger mobile search trigger

FJARÐABYGGÐ Í TÖLUM

Rétt ríflega 5.000 íbúar voru búsettir í Fjarðabyggð um mitt ár 2018. Sveitarfélagið er um það bil ellefu hundruð ferkílómetrar að flatarmáli og nær frá Dalatanga (Mjóifjörður) í norðri að Breiðdalsvík í suðri. Það er fjölmennasta sveitarfélagið á Austurlandi og það 10. í röðinni af 73 sveitarfélögum landsins hvað íbúafjölda snertir.

Sex bæjarkjarnar eru í Fjarðabyggð - Neskaupstaður, Eskifjörður, Reyðarfjörður, Fáskrúðsfjörður, Stöðvarfjörður og Breiðdalsvík. Hver kjarni býr yfir eigin sögu og sérstöðu. Allir eiga þeir þó sameiginlegt nábýli við náttúru landsins, fjölbreytta möguleika til gefandi útivistar, afþreyingu og fjölskylduvænt umhverfi.

Íbúafjöldi 

  • Norðfjörður 1.542
  • Reyðarfjörður 1.350
  • Eskifjörður 1.051
  • Fáskrúðsfjörður 757
  • Stöðvarfjörður 180
  • Breiðdalsvík 188
  • Mjóifjörður 14

    (Júni 2018) 

Vegalengdir frá Reyðarfirði

  • Breiðdalsvík 63 km. 
  • Stöðvarfjörður 44 km.
  • Fáskrúðsfjörður 21 km.
  • Eskifjörður 15 km.
  • Norðfjörður 34 km.
  • Mjóifjörður (Brekka) 57 km.
  • Alþjóðaflugvöllurinn Egilsstöðum 35 km.

Vegalengdir til Fjarðabyggðar

  • Flug frá Reykjavík - ein klukkustund (Flogið til Egilsstaða)
  • Reykjavík - Reyðarfjörður  677 km.
  • Egilsstaðir - Reyðarfjörður 34 km.
  • Akureyri - Reyðarfjörður 295 km.
  • Seyðisfjörður - Reyðarfjörður 59 km.
  • Höfn - Reyðarfjörður 228 km.