Atkvæðagreiðsla utan kjörfundar vegna sveitarstjórnarkosninga 26. maí 2018

Atkvæðagreiðsla utan kjörfundar vegna sveitarstjórnarkosninga 26. maí 2018 er hafin.Fyrst um sinn má greiða atkvæði á skrifstofum og útibúum sýslumanna á afgreiðslutíma á hverjum stað. 

Upplýsingar um annan tíma eða aðra staði þar sem greiða má atkvæði verða færðar inn fyrir hvern landshluta hér að neðan eftir því sem þær liggja fyrir.

Kjósendur skulu framvísa gildum skilríkjum við atkvæðagreiðsluna. 

Kjósanda, sem ekki getur sótt kjörfund á kjördegi vegna sjúkdóms, fötlunar eða barnsburðar, er heimilt að greiða atkvæði í heimahúsi nema hann eigi kost á að greiða atkvæði á stofnun.

Ósk um að greiða atkvæði í heimahúsi skal vera skrifleg og studd vottorði lögráða manns um hagi kjósandans og hafa borist kjörstjóra eigi síðar en kl 16:00 þriðjudaginn 22. maí nk.  Slík atkvæðagreiðsla má ekki fara fram fyrr en þremur vikum fyrir kjördag. 

Atkvæðagreiðsla utan kjörfundar vegna sveitarstjórnarkosninga 26. maí 2018 | Sýslumenn