Við Nesskóla í Neskaupstað eru lausar stöður deildarstjóra sérkennslu og sérkennara.
Starf deildarstjóra er 50% starf stjórnanda og 50% starf sérkennara, en starf sérkennara er 100%. Störfin eru laus frá og með 1. ágúst nk.
Deildarstjóri sérkennslu annast alla skipulagningu sérkennslu í samráði við skólastjóra og er næsti yfirmaður sérkennara og stuðningsfulltrúa sem starfa við skólann á hverjum tíma.
Menntunar og hæfniskröfur:
- Kennaramenntun og réttindi til kennslu í grunnskóla skilyrði
- Viðbótarmenntun í sérkennslufræðum æskileg
- Reynsla af sérkennslu æskileg
- Góð hæfni í samskiptum
- Góðir skipulagshæfileikar
- Góð þekking á stoðþjónustu
Nesskóli starfar í rúmgóðu og björtu húsnæði og er fjöldi nemenda um 210. Starfsmenn eru rúmlega 40 talsins.
Laun samkvæmt kjarasamningi LN og KÍ.
Sótt er um störfin rafrænt hér á vef Fjarðabyggðar og skal umsókn fylgja kynningarbréf þar sem gerð er m.a. grein fyrir hæfni viðkomandi.
Nánari upplýsingar veitir Einar Már Sigurðarson skólastjóri, í síma 477-1124 eða á netfanginu ems@skolar.fjardabyggd.is.
Umsóknarfrestur er til og með 12. maí.