Laust starf forstöðumanns við almennings- og skólabókasafnið í Neskaupstað
Um er að ræða 100% starf sem skiptist jafnt á milli almennings- og skólabókasafns.
Í starfinu felst forstaða fyrir safninu og fræðsla fyrir nemendur í Nesskóla.
Starfsmaður þarf að hefja störf 22. ágúst.
Bókasafnið er í húsnæði Nesskóla.
Menntunar- og hæfniskröfur
- Æskilegt er að starfsmaður hafi menntun í bókasafns- og upplýsingafræði og/eða kennslufræðum.
- Þekking á bókasafnskerfum s.s. landskerfi bókasafna „Gegni“ er æskileg.
- Góð almenn tölvuþekking.
- Frumkvæði og sjálfstæði.
- Góð þjónustulund og hæfni í mannlegum samskiptum.
Starfið er fjölbreytt og mikilvægt að starfsmaður sé jákvæður og skipulagður, eigi auðvelt með samskipti við fólk og hafi áhuga og ánægju af vinnu með börnum og ungmennum.
Í húsnæði Nesskóla eru grunnskóli, tónlistarskóli og bókasafn. Starfsmenn eru um 50 og nemendur um 220. Íbúar Neskaupstaðar eru ríflega 1.500. Söfnin eru bæði samsteypusöfn staðsett í skólabyggingunum og þjóna jafnt skólum sem almenningi.
Laun eru samkvæmt kjarasamningum Launanefndar sveitarfélaga og hlutaðeigandi stéttarfélaga.
Umsóknarfrestur er til og með 1. júní nk.
Allar nánari upplýsingar gefa Pétur Sörensson forstöðumaður Safnastofnunar Fjarðabyggðar í síma 470 9063.
Umsækjendur af báðum kynjum eru hvattir til að sækja um störfin.
Sótt er um starfið rafrænt hér á vef Fjarðabyggðar.
Nánari upplýsingar um laus störf hjá Fjarðabyggð og starfsumsóknir