mobile navigation trigger mobile search trigger
05.07.2018

Karl Óttar Pétursson ráðinn bæjarstjóri Fjarðabyggðar

Á fundi bæjarráðs í morgun var gengið frá ráðningu Karls Óttars Péturssonar í starf bæjarstjóra Fjarðabyggðar. Karl Óttar er 47 ára gamall og hefur undanfarin ár starfað sem forstöðumaður lögfræðisviðs Arion banka.

Karl Óttar Pétursson ráðinn bæjarstjóri Fjarðabyggðar
Bæjarráð Fjarðabyggðar ásamt nýjum bæjarstjóra, Karli Óttari Péturssyni. Frá vinstri: Dýrunn Pála Skaftadóttir, Eydís Ásbjörnsdóttir, Karl Óttar Pétursson, Rúnar Gunnarsson og Jón Björn Hákonarson.

Karl Óttar lauk BA-prófi í sagnfræði frá Háskóla Íslands árið 1995, með heimspeki sem aukagrein. Árið 2002 lauk Karl svo embættisprófi í lögfræði frá Háskóla Íslands og hlaut árið 2011 löggildingu sem héraðsdómslögmaður.

Karl Óttar hefur starfað hjá Héraðsdómi Vestfjarða, Kaupþingi og nú síðast sem forstöðumaður lögfræðisviðs hjá Arion banka. Karl Óttar hefur frá árinu 2014 verið framkvæmdastjóri rokkhátíðarinnar Eistnaflugs og hefur því góða tengingu við samfélagið í Fjarðabyggð.