mobile navigation trigger mobile search trigger
09.08.2018

Laust starf skólaritara við Nesskóla

Auglýst er staða ritara við Nesskóla fyrir skólaárið 2018 - 2019. Um er að ræða 50% starf. Umsækjandi þarf að geta hafið störf 1. september næstkomandi, jafnvel fyrr.

Nesskóli er heildstæður grunnskóli með um 215 nemendur og tæplega 50 starfsmenn.

Starfið reynir á marga mismunandi hæfileika, en hæfni í mannlegum samskiptum, áhugi og ánægja af vinnu með börnum og ungmennum skipta miklu máli. Viðkomandi þarf að vera jákvæður og skipulagður.

Helstu verkefni:

  • Er tengiliður skólans við foreldra, nemendur og aðra sem eiga erindi við skólann
  • Sér um daglegan rekstur skrifstofu, skráningu nýrra nemenda, símsvörun, afgreiðslu, ljósritun og tölvuvinnu eftir því sem óskað er
  • Sér um nemendaskrá (Mentor) og starfsmannaskrá í samvinnu við stjórnendur
  • Sér um innkaup er tengjast skrifstofu og kennslu
  • Er tengiliður við Fjarðabyggð/verktaka vegna mötuneytis skólans
  • Sinnir þeim verkefnum sem stjórnendur skólans fela honum og geta fallið að starfslýsingu

Menntun og hæfniskröfur

  • Stúdentspróf eða sambærileg menntun er kostur
  • Krafist er góðrar íslenskukunnáttu
  • Krafist er góðrar tölvukunnáttu auk þekkingar á skýrslugerð
  • Einstaklingur sem sækir um þetta starf þarf að vera skipulagður og vera sjálfstæður í vinnubrögðum
  • Farið er fram á framúrskarandi hæfni í mannlegum samskiptum og hæfni til að vinna í hóp
  • Reynsla af skólastarfi er kostur

Um laun og kjör fer eftir samningum viðkomandi stéttarfélags og Launanefndar sveitarfélaga.

Umsóknarfrestur er til 20. ágúst 2018

Nánari upplýsingar veitir Eysteinn Þór Kristinsson, skólastjóri í síma 477 1124.  Fyrirspurnir má einnig senda á eysteinn@skolar.fjardabyggd.is

Smelltu hér til að sækja um starfið á ráðningarvef Fjarðabyggðar - starf.fjardabyggd.is