mobile navigation trigger mobile search trigger
31.07.2017

Ókeypis námsgögn í grunnskólum Fjarðabyggðar

Bæjarráð Fjarðabyggðar samþykkti á síðasta fundi sínum þann 24. júlí sl. að öllum börnum í grunnskólum Fjarðabyggðar skuli veitt nauðsynleg námsgögn þeim að kostnaðarlausu frá og með haustinu 2017.

Ókeypis námsgögn í grunnskólum Fjarðabyggðar

Gjaldfrjáls námsgögn styðja við barnasáttmála Sameinuðu þjóðanna sem Íslendingar hafa staðfest aðild sína að og fjölskyldustefnu Fjarðabyggðar. Með þessu skrefi vill Fjarðabyggð vinna gegn mismunun barna og styðja við það að öll börn njóti jafnræðis í námi.

Umjónarkennarar munu halda utan um námsgögn hvers bekkjar og þau verða aðgengileg nú í skólabyrjun.