mobile navigation trigger mobile search trigger
22.01.2016

Sérkennslustjóri við leikskólann Lyngholt

Leikskólinn Lyngholt auglýsir stöðu sérkennslustjóra til eins árs og gæti verið til frambúðar.

Leikskólinn er fimm deilda leikskóli fyrir börn frá eins árs aldri. Við erum „Grænfána skóli“ og vinnum eftir uppbyggingarstefnunni Uppeldi til ábyrgðar.

Starfssvið:

  • Er faglegur umsjónarmaður sérkennslu í leikskólanum, annast frumgreiningu og ráðgjöf til starfsmanna
  • Hefur yfirumsjón með gerð verkefna og ber ábyrgð á gerð einstaklingsnámskráa fyrir börn sem njóta sérkennslu
  • Veitir foreldrum barna sem njóta sérkennslu, stuðning, fræðslu og ráðgjöf
  • Sinnir þeim verkefnum er varða sérkennslu sem yfirmaður felur honum
  • Starfar samkvæmt lögum og reglugerð um leikskóla, aðalnámskrá leikskóla og fræðslu- og frístundastefnu Fjarðabyggðar

Menntun, reynsla og hæfni:

  • Leikskólakennaramenntun
  • Framhaldsmenntun í sérkennslufræðum æskileg
  • Reynsla af starfi með börnum á leikskólaaldri
  • Góð færni í samskiptum
  • Faglegur metnaður og frumkvæði í starfi
  • Sjálfstæð og skipulögð vinnubrögð
  • Góð íslenskukunnátta

Frekari upplýsingar:

Um er að ræða 100% starf. Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Æskilegt er að viðkomandi geti hafið störf 1. apríl 2016. Starfið hentar jafnt konum sem körlum.

Umsóknarfrestur er til og með 10. febrúar 2016.

Nánari upplýsingar gefur Hanna Málmfríður Harðardóttir, leikskólastjóri í síma 474 1257 eða á hannam@skolar.fjardabyggd.is og einnig Elín Guðmundsdóttir, aðstoðarleikskólastjóri í síma 4741257 eða á elin@skolar.fjardabyggd.is.

Umsóknir með upplýsingum um menntun, starfsreynslu og umsagnaraðila skal senda rafrænt ávef leikskólans á leikskolinn.is/lyngholt.

Sækja um