mobile navigation trigger mobile search trigger
31.07.2018

Starfsmaður í félagslega heimaþjónustu í Neskaupstað og helgarvöktun í Breiðabliki

Fjölskyldusvið Fjarðabyggðar auglýsir eftir starfsmanni í félagslega heimaþjónustu í Neskaupstað og helgarvöktun í Breiðabliki.

Um er að ræða 90% starfshlutfall frá 1. september 2018. Að auki er unnið aðra hvora helgi í þjónustuíbúðum í Breiðabliki og er sú vinna greidd í yfirvinnu.

Starfsmaður félagslegrar heimaþjónustu veitir félagslegan stuðning og persónulega aðstoð við notanda samkvæmt þjónustusamningi með það að markmiði að hann geti búið á eigin heimili við öryggi og sem bestar aðstæður. Í starfinu felst einnig aðstoð við öll almenn heimilisstörf sem notandi getur ekki annast sjálfur.

Umsækjendur þurfa að vera samviskusamir, heiðarlegir, stundvísir, með þjónustulund og  hæfni í mannlegum samskiptum. Íslenskukunnátta er mikilvæg sem og grunnþekking á heimilisstörfum. Gerð er krafa um hreint sakavottorð. Afnot af bíl og bílpróf er æskilegt en ekki skilyrði.

Umsóknarfrestur er til 17. ágúst 2018.

Nánari upplýsingar veitir Helga Elísabet Beck Guðlaugsdóttir félagsmálastjóri í síma 470-9000 eða netfanginu helga.gudlaugsdottir@fjardabyggd.is

Sótt er um starfið á ráðningarvef Fjarðabyggðar.