Fjölskyldusvið Fjarðabyggðar auglýsir sumarstarf í félagslegri heimaþjónustu á Eskifirði, Fáskrúðsfirði og Reyðarfirði
Um er að ræða tímabundið afleysingastarf í sumar með möguleika á framlengingu. Starfshlutfall er samkomulag.
Starfsmaður félagslegrar heimaþjónustu veitir félagslegan stuðning og persónulega aðstoð samkvæmt þjónustusamningi með það að markmiði að þjónustunotandi geti búið á eigin heimili við öryggi og sem bestar aðstæður.
Í starfinu felst einnig aðstoð við öll almenn heimilisstörf sem notandi getur ekki annast sjálfur.
Umsækjendur þurfa að vera samviskusamir, heiðarlegir, stundvísir, með þjónustulund og hæfni í mannlegum samskiptum. Gerð er krafa um hreint sakavottorð. Afnot af bíl og bílpróf er æskilegt en ekki skilyrði.
Nánari upplýsingar veitir Helga Elísabet Beck Guðlaugsdóttir félagsmálastjóri í síma 470-9000 eða netfanginu helga.gudlaugsdottir@fjardabyggd.is
Laun eru skv. kjarasamningi launanefndar sveitarfélaga og viðkomandi stéttarfélags.
Umsóknum er skilað rafrænt í Íbúagátt Fjarðabyggðar.
Umsóknarfrestur er til og með 10. maí nk.