Menningar- og safnanefnd Fjarðabyggðar auglýsir eftir umsóknum um styrki til menningarmála fjárhagsárið 2018. Markmið menningarstyrkja er að styðja og efla menningarstarfsemi í Fjarðabyggð.
Öllum er heimilt að sækja um í sjóðinn en verkefni verður að hafa skýra tengingu við Fjarðabyggð. Gjaldgeng eru verkefni sem fara fram í Fjarðabyggð, fela í sér kynningu á menningarstarfsemi í Fjarðabyggð eða ef umsjónarmenn eða listamenn hafa búsetu í Fjarðabyggð.
Ekki eru veittir styrkir til náms, reksturs eða viðhalds húsnæðis.
Umsóknarfrestur er til og með 12. febrúar.
Sótt er um rafrænt hér á vef Fjarðabyggðar í gegnum Íbúagátt. Eyðublað má finna undir: Umsóknir - Umsókn um styrk til menningarstarfssemi.
Úthlutunarreglur má nálgast á heimasíðu Fjarðabyggðar.
Nánari upplýsingar veitir Karna Sigurðardóttir, forstöðumaður Menningarstofu í síma 896 6971 eða 470 9000 og karna@fjardabyggd.is.