mobile navigation trigger mobile search trigger
11.09.2017

185. fundur eigna- skipulags- og umhverfisnefndar

Eigna- skipulags- og umhverfisnefnd - 185. fundur  

haldinn í fundarsal á bæjarskrifstofunum að Hafnargötu 2 á Reyðarfirði, 11. september 2017 og hófst hann kl. 16:00

Fundinn sátu Jón Björn Hákonarson formaður, Svanhvít Yngvadóttir aðalmaður, Einar Már Sigurðarson aðalmaður, Ragnar Sigurðsson varaformaður, Kristjana Guðmundsdóttir aðalmaður, Valur Sveinsson embættismaður, Páll Björgvin Guðmundsson bæjarstjóri, Marinó Stefánsson embættismaður, Anna Berg Samúelsdóttir embættismaður, Þorsteinn Sigurjónsson embættismaður og Ragna Dagbjört Davíðsdóttir embættismaður.

Fundargerð ritaði Marinó Stefánsson.  

Dagskrá: 

1.

1609180 - Aðgerðaáætlun um aukna úrgangsflokkun

Lögð fram aðgerðaráætlun um aukna úrgangsflokkun og úrgangsforvarnir dags. september 2017. Verkefnastjóri umhverfismála kynnti aðgerðaáætlunina. Eigna-, skipulags- og umhverfisnefnd samþykkti aðgerðaráætlunina.

2.

1612066 - Tjaldsvæði Fjarðabyggð 2017

Samningur um tjaldsvæði í Fjarðabyggð við Landamerki ehf er útrunninn 30. september næstkomandi.
Eigna-, skipulags- og umhverfisnefnd mun taka til umfjöllunar málefni tjaldsvæða í Fjarðabyggð á næsta fundi sínum.
Nauðsynlegt er að koma til móts við þá ferðamenn sem ferðast um á veturna og bæta opnunartíma tjaldsvæðanna.
Nefndin felur umhverfissstjóra að vinna að úrbótum á opnunartíma tjaldsvæða í Fjarðabyggð til að koma til móts við ferðamenn á meðan á stefnumótun stendur.

3.

1709053 - Hleðslustöð-bílastæði

Lögð fram beiðni Jóns Sigurðssonar fh. Orku náttúrunnar dags. 6.september síðastliðinn þar sem óskað er eftir heimild til uppsetningar á hleðslustöðvum á Stöðvarfirði. Óskað er eftir þrem bílastæðum á bílaplani við Steinasafn Petru. Settar yrðu upp tvær hleðslustöðvar fyrir rafbíla, önnur verður hraðhlesðlustöð DC og hin verður AC hleðsla 32A.
Eigna-, skipulags- og umhverfisnefnd fagnar framtakinu og felur veitustjóra ásamt skipulags- og byggingarfulltrúa að fara yfir og útfæra staðsetningu hleðslustöðva.

4.

1612131 - Útilistaverk - Odee

Þar sem menningar- og safnanefnd vinnur nú að stefnumótun um útilistaverk hjá sveitarfélaginu þá mun eigna- skipulags- og umhverfisnefnd bíða niðurstöðu þeirra vinnu.

5.

1708088 - Fjölskyldu-og útivistarsvæði á Fáskrúðsfirði

Lögð fram fyrsta tillaga starfshóps að fyrirkomulagi fjölskylduvinar í Skrúðgarðinum á Fáskrúðsfirði. Frekari hönnun svæðisins verður unnin áfram með nákvæmari útfærslu tækja, stíga, lýsingar og gróðurs.
Eigna-, skipulags- og umhverfisnefnd lýsir yfir ánægju með gang mála og mun fylgjast með verkefninu áfram.

6.

1709048 - 740 Hafnarbraut 17 - byggingarleyfi - rífa hús

Lögð fram byggingarleyfisumsókn Nestaks ehf, byggingarverktaka, dagsett 7. september 2017, þar sem sótt er um leyfi til að rífa húsið sem stendur á lóðinni að Hafnarbraut 17 á Norðfirði. Byggingin er víkjandi samkvæmt deiliskipulagi svæðisins.
Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að gefa út leyfi þegar öll tilskilin gögn liggja fyrir.

7.

1709020 - Fjárhagsheimildir í fjárhagsáætlun 2018 - Eigna,skipulags og umhverfisnefnd

Eigna- skipulags- og umhverfisnefnd fór yfir fjárhagsheimildir nefndarinnar og felur sviðstjóra áframhaldandi vinnu í takt við áherslu nefndarinnar.

Fleira ekki gert. Fundi slitið kl. 18:00.