32. fundur íþrótta- og tómstundanefndar
haldinn í Molanum fundarherbergi 1, 23. febrúar 2017 og hófst hann kl. 16:30
Fundinn sátu:
Þórdís Mjöll Benediktsdóttir formaður, Jón Kristinn Arngrímsson varaformaður, Jóna Petra Magnúsdóttir aðalmaður, Þorvarður Sigurbjörnsson aðalmaður og Stefán Már Guðmundsson varamaður.
Starfsmenn: Bjarki Ármann Oddsson, íþrótta- og tómstundafulltrúi og Þóroddur Helgason, fræðslustjóri.
Fundargerð ritaði: Bjarki Ármann Oddsson
Dagskrá:
1. |
1611037 - Fundir Ungmennaráðs Fjarðabyggðar 2016 - 2017 |
|
Fundargerð 3. fundar ungmennaráðs frá 16. febrúar lögð fyrir og kynnt. Fundargerðir ungmennaráðs má finna á heimasíðu Fjarðabyggðar. |
||
2. |
1611121 - Vinna við forvarnir fyrir árið 2017 |
|
Íþrótta- og tómstundafulltrúi, í samstarfi við forstöðumenn stofnana og aðra starfsmenn fjölskyldusviðs, hefur skráð forvarnarverkefni sem framkvæmd hafa verið á fjölskyldusviði árið 2016. Í framhaldi af þeirri vinnu hefur verið gerð aðgerðaráætlun um forvarnarverkefni sem ætlunin er að framkvæma á árinu 2017. Er það liður í að gera áætlanagerð auðveldari og forvarnarstarfið markvissara í samræmi við Fjölskyldustefnu Fjarðabyggðar. |
||
3. |
1702156 - Fundaáætlun íþrótta- og tómstundanefndar vor 2017 |
|
Fundaáætlun fyrir vorið 2017. Fundir nefndarinnar verða, með fyrirvara um breytingar: 26. janúar, 23. febrúar, 23. mars, 6. apríl, 11. maí og 8. júní. |
||
4. |
1702144 - Úthlutun íþróttastyrkja 2017 |
|
Borist hafa fjölmargar umsóknir um íþróttastyrki til nefndarinnar frá íþróttafélögunum í Fjarðabyggð. Íþrótta- og tómstundafulltrúi hefur gert drög að úthlutun í samræmi við gildandi úthlutunarreglur. Nefndin kynnti sér drögin. Úthlutun verður staðfest á fundi nefndarinnar í mars og kunngerð strax í kjölfarið. |
||
Fleira ekki gert. Fundi slitið kl. 18:30