mobile navigation trigger mobile search trigger
23.01.2017

506. fundur bæjarráðs

Bæjarráð - 506. fundur  

haldinn í Molanum fundarherbergi 3,

23. janúar 2017 og hófst hann kl. 08:30

Fundinn sátu Jón Björn Hákonarson varaformaður, Valdimar O Hermannsson varamaður, Esther Ösp Gunnarsdóttir varamaður, Páll Björgvin Guðmundsson bæjarstjóri og Gunnar Jónsson embættismaður.

Fundargerð ritaði Gunnar Jónsson. 

Dagskrá: 

1.

1612126 - Endurfjármögnun skammtímaláns 2017

Framhaldið umræðu um endurfjármögnun skammtímaláns Fjarðabyggðar.
Bæjarráð samþykkir að leggja til við bæjarstjórn að tekið verði tilboði Íslandsbanka í endurfjármögnun hluta skammtímaláns allt að 400 milljónir kr.

Gestir

Fjármálastjóri - 08:30

2.

1701123 - Kjarasamningur KÍ vegna FG - Vegvísir samstarfsnefndar SNS

Samstarfsnefnd Sambands íslenskra sveitarfélaga og Kennarasambands Íslands vegna Félags grunnskólakennara hafa lokið gerð vegvísis að aðgerðaráætlun samkvæmt bókun 1 í kjarasamningi aðila frá 29. nóvember sl.
Vísað til fræðslunefndar til kynningar.
Bæjarstjóra falin vinnsla málsins fyrir næsta fund.

3.

1602151 - Svæðisskipulag fyrir Austurland

Drög að starfsreglum svæðisskipulagsnefndar lagðar fram til kynningar.
Bæjarráð samþykkir fyrir sitt leyti starfsreglurnar og vísar þeim til staðfestingar bæjarstjórnar.

4.

1701131 - Stjórnenda og ráðningarkerfi H3

Framlagt minnisblað stjórnsýslu- og þjónustusviðs um innleiðingu stjórnendakerfis og ráðningarkerfis sem er hluti af H3 kerfi sem stjórnendur hafa þegar aðgang að.
Bæjarráð samþykkir innleiðingu hlutaðeigandi kerfa og felur bæjarstjóra undirritun skjala tengdum innleiðingunni.

5.

1411143 - Uppbygging ljósleiðaraneta í Fjarðabyggð og ríkisaðstoðarreglur EES

Framlagt sem trúnaðarmál minnisblað um umsókn til Fjarskiptasjóðs fyrir ljósleiðaralagningu fyrir hluta Suðurfjarðar og Norðfjarðarsveitar. Niðurstaða í umsóknarferli fyrir A hluta er sú að Fjarðabyggð ásamt Fljótsdalshéraði, Djúpavogshreppi, Borgarfjarðarhreppi og Vopnafjarðarhreppi sækjast eftir styrkveitingum úr 65 milljóna kr. fjárveitingu sem er fyrir sambandssvæði SSA.
Bæjarráð samþykkir að sótt verði um styrki til tilgreindra svæða í B-hluta umsóknarferils. Kynningarbréf á áætlun um ljósleiðaravæðingu verður sent til aðila á svæðum.

6.

1610078 - Leigulönd í Fjarðabyggð

Framlagt bréf hestamanna og búfjáreigenda á Reyðarfirði sem fjallar um nýjar reglur um leigulönd í Fjarðabyggð og gjaldtöku fyrir afnot af leigulandi.
Vísað til eigna-, skipulags- og umhverfisnefndar.
Bæjarráð leggur til við nefndina að haldinn verði fundur með hlutaðeigandi.

7.

1701124 - Eistnaflug 2017

Framlögð drög að samingi við Millifótakonfekt vegna framkvæmdar Eistnaflugs 2017.  Bæjarráð samþykkir samning og felur bæjarstjóra undirritun hans. Ákvæði samningsins eru nánast þau sömu og á síðasta ári. Vísað til kynningar í menningar- og safnanefnd.

8.

1605155 - Framtíðarmöguleikar Sköpunarmiðstöðvarinnar

Lögð fram drög að framlenging á samningi við Sköpunarmiðstöðina á Stöðvarfirði til loka ársins 2018.  Bæjarráð samþykkir framlengingu á samningi og felur bæjarstjóra undirritun hans. Vísað til kynningar í menningar- og safnanefnd.

9.

1612108 - Vinnufatnaður í grunn- og leikskólum

Framlögð drög að samningi auk minnisblaðs, um útfærslu fatnaðarmála í grunn- og leikskólum Fjarðabyggðar vegna starfsmanna Afl-starfsgreinafélags, Félags opinberra starfsmanna á Austurlandi og Starfsmannafélags Fjarðabyggðar.
Bæjarráð samþykkir samning og felur bæjarstjóra undirritun hans.

10.

1505078 - 750 Bygging hafnarkants við frystigeymslu á Fáskrúðsfirði

Framlagt minnisblað framkvæmdastjóra hafna frá 11.janúar s.l. vegna framkvæmda við hafnarkant á Fáskrúðsfirði. Eitt tilboð barst í verkið sem var yfir kostnaðaráætlun og samningar hafa lækkað tilboðsfjárhæð.
Bæjarráð samþykkir fyrir sitt leyti umsamið tilboðsverð sem fengið er að undangengnum samningum og vísar endanlegri ákvörðun um töku tilboðs til hafnarstjórnar.

Fleira ekki gert. Fundi slitið kl. 11:00.