514. fundur bæjarráðs

1.

1703164 - Ársreikningur Fjarðabyggðar og stofnana 2016 - TRÚNAÐARMÁL

Endurskoðandi Fjarðabyggðar gerði grein fyrir vinnu við ársreikning Fjarðabyggðar og stofnana fyrir árið 2016. Ársreikningur verður lagður fram til fyrri umræðu í bæjarstjórn 6. apríl nk.

Gestir

Fjármálastjóri ásamt Magnúsi Jónssyni og Sigurjóni Ö Arnarssyni endurskoðendum. - 09:00

2.

1703168 - Fjárhagsáætlun 2017 - viðauki 3

Framlagður viðauki nr. 3 við fjárhagsáætlun 2017 um áhrif nýs kjarasamnings á laun stjórnenda og kennara tónlistarskóla.
Bæjarráð samþykkir viðauka fyrir sitt leyti og vísar honum til afgreiðslu bæjarstjórnar.

3.

1703120 - Stefnumótun í fiskeldismálum

Farið yfir stöðu fiskeldimála í Fjarðabyggð.

Gestir

Framkvæmdastjóri hafna ásamt formanni og varaformanni hafnarstjórnar - 10:00

4.

1005131 - Undirbúningsvinna vegna komu skemmtiferðaskipa

Vísað frá hafnarstjórn til bæjarráðs umræðu um komu skemmtiferðaskipa til Fjarðabyggðar.

Gestir

Framkvæmdastjóri hafna ásamt formanni og varaformanni hafnarstjórnar - 10:55

5.

1210191 - 755 Bankastræti 2 og 4 - Beiðni um að Fjarðabyggð leysi til sín lóð

Eigna-, skipulags- og umhverfisnefnd hefur samþykkt, fyrir sitt leyti, innlausn og vísar endanlegri ákvörðun um innlausn lóðanna til bæjarráðs.
Lögð fram drög að afsölum vegna lóðanna við Bankastræti 2 og 4 á Stöðvarfirði en eigendur lóðanna hafa lýst yfir áhuga á að Fjarðabyggð leysi lóðirnar til sín þar sem þær verða ekki nýttar frekar.  Bæjarráð samþykkir að innleysa lóðirnar og felur bæjarstjóra undirritun skjala tengdum innlausninni.

6.

1703137 - 204.mál til umsagnar frumvarp til laga um Umhverfisstofnun (heildarlög),

Frumvarpið fjallar um hlutverk Umhverfisstofnunar og margvíslegt hlutverk hennar. Mikilvægt er að hlutverk Umhverfisstofnunar verði samþætt og tiltekið með skýrari hætti í löggjöf um stofnunina. Umsagnarfrestur er til 31.mars nk. Vísað til eigna-, skipulags- og umhverfisnefndar.

7.

1611077 - Kynning á tillögu að kerfisáætlun 2016-2025 og umhverfisskýrslu

Orkustofnun óskar umsagna við tillögu að kerfisáætlun 2016 til 2025. Umsagnir óskast sendar fyrir 19.apríl nk.
Vísað til eigna-, skipulags- og umhverfisnefndar.

8.

1703171 - Slóðir og smalavegir

Framlögð áskorun Félags leiðsögumanna um að sveitarfélög nýti það fjármagn sem fáanlegt er úr styrkvegasjóði til endurbóta á vegaslóðum vegna hreindýraveiða. Vísað til eigna-, skipulags- og umhverfisnefndar.

9.

1703148 - Ársfundur Starfsendurhæfingar Austurlands - 31.mars 2017

Framlagt boð um ársfund Starfsendurhæfingar Austurlands sem haldinn verður 31. mars nk. kl. 14:30 að Miðvangi 1-3 Egilsstöðum ásamt fundargerðum stjórnar.
Bæjarráð felur Eydísi Ásbjörnsdóttur að fara með umboðið Fjarðabyggðar ársfundinum. Bæjarráð tilnefnir jafnframt Eydísi Ásbjörnsdóttur sem aðalmann og Huldu Sigrúnu Guðmundsdóttur sem varamann í stjórn.

10.

1703150 - Aðalfundur Sparisjóðs Austurlands - 4.apríl 2017

Aðalfundur Sparisjóðs Austurlands verður haldinn þriðjudaginn 4.apríl kl. 16:00 í Safnahúsinu í Neskaupstað.
Bæjarráð felur Páli Björgvini Guðmundssyni að fara með umboð Fjarðabyggðar á aðalfundinum.

11.

1703152 - Ráðstefna Ungs Austurlands 8.-9. apríl

Framlag boð á ráðstefnuna UngAust2017 sem haldin verður á Borgarfirði Eystri helgina 8. - 9.apríl nk. Þema ráðstefnunnar er byggðamál í víðu samhengi.
Bæjarráð fagnar framtaki Ungs Austurlands að halda ráðstefnuna. Bæjarráð hvetur kjörna fulltrúa Fjarðabyggðar til að taka þátt í ráðstefnunni.

12.

1610049 - Gjaldskrá fráveitu Fjarðabyggðar 2017

Breyting á gjaldskrá fráveitu lögð fram til samþykktar í bæjarráði.
Eigna-, skipulags- og umhverfisnefnd samþykkti tillögu fjármálastjóra um breytingu á gjaldskrá vegna lagabreytinga og vísar til staðfestingar bæjarráðs. Áður á dagskrá bæjarráðs 13.mars sl.
Bæjarráð samþykkir framlagðar breytingar á gjaldskránni.

13.

1610031 - Gjaldskrá vatnsveitu Fjarðabyggðar 2017

Breyting á gjaldskrá vatnsveitu lögð fram til samþykktar í bæjarráði.
Eigna-, skipulags- og umhverfisnefnd samþykkti tillögu fjármálastjóra um breytingu á gjaldskrá vegna lagabreytinga og vísar til staðfestingar bæjarráðs. Áður á dagskrá bæjarráðs 13.mars sl.
Bæjarráð samþykkir framlagðar breytingar á gjaldskránni.

14.

1702223 - Vatns- og holræsagjöld á ótengdar fasteignir - breyting á samþykkt um fráveitu á árinu 2017

Framlögð tillaga um breytingu á samþykkt um fráveitu Fjarðabyggðar vegna lagabreytinga. Breytingar hafa verið samþykktar í eigna- skipulags- og umhverfisnefnd og er vísað til samþykktar í bæjarráði.
Bæjarráð samþykkir breytingar á samþykkt um fráveitu Fjarðabyggðar og vísar staðfestingu hennar til bæjarstjórnar.

15.

1406125 - Nefndaskipan Fjarðalista 2014 - 2018

Fjarðalistinn skipar nýja varamenn í eigna-, skipulags- og umhverfisnefnd og íþrótta- og tómstundanefnd.
Kamma Dögg Gísladóttir tekur sæti sem varamaður í eigna-, skipulags- og umhverfisnefnd og Guðmundur Arnar Guðmundsson tekur sæti sem varamaður í íþrótta- og tómstundanefnd.

16.

1703005F - Eigna- skipulags- og umhverfisnefnd - 171

Fundargerð eigna- skipulags- og umhverfisnefndar, nr. 171 frá 20.mars 2017, lögð fram til kynningar.

17.

1703008F - Félagsmálanefnd - 93

Fundargerð félagsmálanefndar, nr. 93 frá 21.mars 2017, lögð fram til kynningar.