mobile navigation trigger mobile search trigger
14.08.2017

529. fundur bæjarráðs

Bæjarráð - 529. fundur  

haldinn í Molanum fundarherbergi 3, 14. ágúst 2017 og hófst hann kl. 10.15

Fundinn sátu Jens Garðar Helgason Formaður, Jón Björn Hákonarson Varaformaður, Esther Ösp Gunnarsdóttir Varamaður, Gunnar Jónsson Embættismaður og Gunnlaugur Sverrisson Embættismaður.

Fundargerð ritaði Gunnlaugur Sverrisson. 

Dagskrá: 

1.

1705194 - Fjárhagsáætlun Fjarðabyggðar 2018

Framlagt minnisblað fjármálastjóra um forsendur fjárhagsáætlunar Fjarðabyggðar fyrir árið 2018. Umræða um forsendur áætlunarinnar. Vísað til áframhaldandi vinnu við áætlunargerðina.

Gestir

Fjármálastjóri - 10:20

2.

1707041 - Aðild að rammasamningum 2017

Fyrir liggur boð um aðildarumsókn að rammasamningum Ríkiskaupa en Fjarðabyggð hefur verið aðili að rammasamningum undanfarin ár. Nú hefur fyrirkomulaginu verið breytt og einnig gjalddtökunni með nýjum lögum um opinber innkaup. Aðildargjald ársins 2017 að rammasamningi fyrir Fjarðabyggð er kr. 1.240.000. Bæjarráð samþykkir aðild að rammasamningi en felur fjármálaastjóra að kalla eftir frekari útlistun frá Ríkiskaupum á breyttu fyrirkomulagi.

Gestir

Fjármálastjóri - 10:38

3.

1704074 - Öryggismál og eldvarnir jarðganga

Áframhaldandi umræða frá fundi bæjarráðs 10. júlí sl. Framlagt minnisblað slökkviliðsstjóra vegna kaupa á búnaði í Norðfjarðargöng.
Bæjarráð samþykkir tillögu slökkviliðsstjóra í minnisblaði og felur honum í samráði við fjármálastjóra að leita tilboða í tæki og búnað vegna eldvarna. Jafnframt er slökkviliðsstjóra falið að ganga frá samningi við Vegagerðina um brunavarnarmál í samráði við bæjarstjóra. Þá var einnig rætt um tækjakost slökkviliðs. Tekið fyrir á næsta fundi.

Gestir

Slökkviliðsstjóri  og fjármálastjóri- 10:47

 

 

Jón Björn Hákonarson vék af fundi kl.11:30 við afgreiðslu og umfjöllun liðar um nytjarétt í Búlandsborgum.

 

 

4.

1705243 - Nytjaréttur af æðarvarpi á jörðinni Búlandsborg á Norðfirði


Á fundi bæjarráðs 24. júlí sl. var bæjarstjóra falið að vinna málið áfram, ræða við hæstbjóðendur og ganga frá samningi um nytjaréttinn.
Að höfðu samráði við lögmann sveitarfélagsins er lagt til að gengið verði til samninga við Guðröð Hákonarson á grundvelli tilboðs hans.

Bókun fulltrúa Fjarðalistans. "Auglýsing Fjarðabyggðar um nytjarétt af æðavarpi á jörðinni Búlandsborg var óskýr og leiddi til þess að þau tilboð sem bárust voru að mati lögfræðings sveitarfélagsins ekki samanburðarhæf. Leggur Fjarðalistinn til að öllum tilboðum verði hafnað vegna þessa galla og auglýst verði aftur þar sem skýrt verði kveðið á um hvað skuli felast í tilboðinu, þ.e. hvort leigutaki beri alla fjárhagslega ábyrgð á rekstri æðavarpsins sjálfur eða í hlutfalli við sveitarfélagið og hvort um hlutfall af tekjum eða fasta krónutölu leiguverðs á ári sé að ræða."

 

Bókun fulltrúa Sjálfstæðisflokks. “Fulltrúi Fjarðalistans í bæjarráði fól bæjarstjóra að ganga frá málinu. Í ljósi þeirrar stefnubreytingar sem orðið hefur á afstöðu Fjarðalistans frá fyrri fundum, ákveður formaður bæjarráðs að fresta afgreiðslu málsins til næsta fundar þar sem fulltrúi Framsóknarflokksins mun þá sitja fundinn.”

Fleira ekki gert. Fundi slitið kl. 12:20