mobile navigation trigger mobile search trigger
14.12.2017

Forstöðumaður íþróttamiðstöðvar Reyðarfjarðar

Forstöðumaður íþróttamiðstöðvar Reyðarfjarðar

Laus er til umsóknar staða forstöðumanns Íþróttamiðstöðvar Reyðarfjarðar. Forstöðumaður ber ábyrgð á íþróttamannvirkjum á Reyðarfirði og stendur vaktir í íþróttahúsi. Um er að ræða 100% starfshlutfall og er starfið laust frá 1. mars næstkomandi. 

Meginviðfangsefni:

  • Ábyrgð á rekstri Íþróttamiðstöðvar Reyðarfjarðar.
  • Þjónusta við notendur Íþróttamiðstöðvar Reyðarfjarðar.
  • Uppsetning vakta- og þrifaplans fyrir íþróttamiðstöðina.
  • Þátttaka í þróunarstarfi og söfnun og greining upplýsinga fyrir íþróttamiðstöðina.

Hæfniskröfur:

  • Færni í mannlegum samskiptum, metnaður og frumkvæði.
  • Menntun sem nýtist í starfi til dæmis háskólamenntun eða iðnmenntun sem nýtist við viðhald og rekstur tækjabúnaðar íþróttamannvirkja sem og reynsla af stjórnun.
  • Góð almenn tölvu- og tungumálakunnátta.
  • Athugið að viðkomandi þarf að standast námskeið í björgun og skyndihjálp og sundpróf fyrir laugarverði.

Í Íþróttamiðstöð Reyðarfjarðar er góð aðstaða fyrir ýmiss konar íþróttastarfssemi. Í henni er íþróttasalur sem einnig er notaður fyrir sundlaug á vorin og haustin, sambyggt íþróttahúsinu er ágæt líkamsræktarstöð auk Fjarðabyggðarhallarinnar sem er yfirbyggt fjölnotahús með knattspyrnuvelli í fullri stærð.Auk þess er heitur pottur fyrir iðkendur.

Konur jafnt sem karlar eru hvött til að sækja um starfið.

Launakjör eru samkvæmt kjarasamningum LN við viðkomandi stéttarfélag.

Allar frekari upplýsingar veitir Bjarki Ármann Oddsson, íþrótta- og tómstundafulltrúi, í síma 893-9098 eða á netfanginu bjarki.a.oddsson@fjardabyggd.is. 

Starfslýsing forstöðumanns Íþróttamiðstöðvar Reyðarfjarðar

Umsóknarfrestur er til og með 12. janúar 2018.

Sótt er um starfið á ráðningarvef Fjarðabyggðar.