Fjarðabyggð auglýsir starf forstöðumanns Menningarstofu Fjarðabyggðar laust til umsóknar
Með samþykkt nýrrar menningarstefnu Fjarðabyggðar mun aðkoma sveitarfélagsins að stuðningi við hvers kyns menningarstarfsemi stóreflast. Helstu nýmælin í stefnunni er stofnun Menningarstofu og ráðning forstöðumanns hennar en á meðal verkefna viðkomandi verður að hrinda í framkvæmd viðamikilli aðgerðaráætlun sveitarfélagsins. Leitað er að einstaklingi með brennandi áhuga fyrir menningarmálum sem á að hafa yfirsýn og drifkraft til að tengja saman allt það ólíka sem fer fram í fjölkjarna sveitarfélagi með áherslur bæjarfélagsins í þróun þessara mála að leiðarljósi.
Forstöðumaður ber ábyrgð á starfsemi Menningarstofu Fjarðabyggðar, verkefnastjórn og fjármögnun verkefna stofunnar. Viðkomandi er forstöðumaður Tónlistarmiðstöðvar og annast daglega umsýslu starfsemi hennar.
Helstu verkefni:
Forstaða Tónlistarmiðstöðvar Austurlands.
Annast verkefnastjórnun í menningarmálum.
Þróunarstarf, samstarf og fagleg ráðgjöf á sviði tónlistar.
Annast undirbúning menningarviðburða, hátíðarhalda.
Fagleg ráðgjöf í menningarmálum.
Efling samstarfs í menningarlífi Fjarðabyggðar.
Stuðlar að framþróun á sviði menningar og lista.
Annast öflun styrkja og styrktaraðila vegna viðburða.
Gerð menningardagatals fyrir Fjarðabyggð.
Hæfniskröfur:
Menntun á sviðum tónlistar, menningar og lista er áskilin.
Þekking á menningarstarfi og listum.
Reynsla af stjórnun.
Framúrskarandi samstarfs-, skipulags- og samskiptahæfileikar.
Frumkvæði og öguð vinnubrögð.
Góð tungumálakunnátta og hæfni til að miðla upplýsingum í töluðu og rituðu máli.
Starfið gegnir veigamiklu hlutverki sveitarfélagsins í menningarmálum. Rík áhersla er lögð á teymisvinnu og þverfaglega vinnu.
Launakjör eru samkvæmt kjarasamningum sveitarfélagsins við viðkomandi stéttarfélag.
Konur jafnt sem karlar eru hvattar til að sækja um stöðuna.
Allar frekari upplýsingar veitir Gunnar Jónsson, bæjarritari, í síma 470 9062 eða á netfanginu gunnar.jonsson@fjardabyggd.is.
Umsóknarfrestur er til og með 19. apríl 2017 og æskilegt að viðkomandi geti hafið störf sem fyrst og eigi síðar en 1. júlí n.k.
Umsóknir berist rafrænt á Íbúagátt Fjarðabyggðar eða á skrifstofu Fjarðabyggðar, Hafnargötu 2, 730 Fjarðabyggð.