mobile navigation trigger mobile search trigger

SVAUST - STRÆTISVAGNAR AUSTURLANDS

Leiðarkerfi SVAust hefur verið rekið frá því í byrjun árs 2012 sem þróunarverkefnið Skipulagðar almenningssamgöngur á Austurlandi. Því var upphaflega hrundið af stað af Sambandi sveitarfélaga á Austurlandi (SSA) og Austurbrú á grundvelli samnings Vegagerðar ríkisins og landshlutasamtaka sveitarfélaga um sérleyfisakstur. Akstur Fjarðabyggðar, stór hluti af akstri Alcoa Fjarðaáls og sérleyfisakstur SSA fellur undir leiðakerfið. 

Flestir sem nýta sér þjónustu SVAust eru að ferðast milli staða vegna vinnu, skóla eða íþróttaiðkunar. Einnig er aksturinn ætlaðar fyrir stakar ferðir íbúa og ferðamanna. Notendur sem eru 16 ára og eldri kaupa miða eða mánaðarkort en notendur 16 ára og yngri nota þjónustuna frítt fram til ágústloka á því ári sem þeir ljúka grunnskólanámi. Á textavarpi bls. 668 má nálgast upplýsingar um seinkanir á ferðum.
Nánari upplýsingar eru á netfangi svaust@svaust.is eða í síma 470 9000. 

MIÐA- OG KORTASALA 

Miðar og mánaðarkort eru seld á nokkrum stöðum, sjá töflu hér fyrir neðan. Þar eru miðar afhentir en kort eru send með pósti innan 3 virkra daga frá kaupum. Einnig má greiða fyrir mánaðarkort í heimabanka eða banka. Greiðslur skal leggja inn á bankreikning 0569-14-700401 Kt. 470698-2099. Kvittun eða staðfesting skal send á samgongur@fjardabyggd.is.  Nánari upplýsingar eru veittar á skiptiborði Fjarðabyggðar í síma 470 9000 eða á svaust@svaust.is. Á kvittuninni þarf að koma fram kennitala, nafn, heimilisfang notanda kortsins, upphafs- og endastaður ferða. Þegar kvittun / staðfesting berst á netfangið samgongur@fjardabyggd.is er sérstakt mánaðarkort búið til og sent notanda í landpósti innan þriggja daga. Hægt er að nota útprentaða staðfestingu / kvittun í 3 daga eftir að kort er greitt í heimabanka, eða þar til að kort berst notanda í landpósti.

Nánari upplýsingar er snúa að almenningssamgöngum eru veittar svaust@svaust.is eða í síma 470 9000.
Kortum er hægt að loka tímabundið, t.d. vegna sumarleyfa, sem hér segir:

  • 1 mánaða tímabilskort – ekki hægt.
  • 3 mánaða tímabilskort – eitt skipti í að minnsta kosti 5 daga – hámark 10 dagar.
  • 6 mánaða tímabilskort – tvö skipti í að minnsta kosti 5 daga í hvert sinn – hámark 20 dagar samtals.
  • 9 mánaða tímabilskort – þrjú skipti í að minnsta kosti 5 daga í hvert sinn. – hámark 30 dagar samtals.
  • 12 mánaða tímabilskort – fjögur skipti í að minnsta kosti 5 daga í hvert sinn. – hámark 40 dagar samtals.

GJALDSKRÁ 

Með SVAust tekur gildi ný gjaldskrá sem byggir á gjaldsvæðum. Hvert gjaldsvæði spannar 15 km. og tekur almennt fargjald mið af þeim fjölda gjaldssvæða sem ferðast er um. Lífeyrisþegar og öryrkjar greiða þó aðeins fyrir eitt gjaldsvæði óháð vegalengd og framhaldsskólanemar njóta þeirra fríðinda sem framhaldsskólakortið veitir.

Börn búsett í Fjarðabyggð á grunnskólaaldri fá frítt í strætó, þar sem sveitarfélagið niðurgreiðir þær ferðir með grunnskólakorti og sérstakur gjaldflokkur fyrir stórnotendur veitir fyrirtækjum og stofnunum afsláttarkjör vegna ferða starfsfólks til og frá vinnu. Þá fela mánaðarkort í sér stigavaxandi afslátt frá almennu fargjaldi, allt eftir því hvort kort er til eins, þriggja, sex, níu eða tólf mánaða.

Sölustaðir

Staður Heimilsfang Sími Netfang
Norðfjörður Sundlaug Norðfjarðar Miðstræti 15 477 1243 itmnes@fjardabyggd.is
Eskifjörður Sundlaug Eskifjarðar Dalbraut 3a 476 1218 itmesk@fjardabyggd.is
Reyðarfjörður Íþróttamiðstöðin Reyðarfirði Heiðarvegi 10 474 1331 itmrey@fjardabyggd.is 
Bæjarskrifstofur Fjarðabyggðar Hafnargötu 2 470 9000 fjardabyggd@fjardabyggd.is
Fáskrúðsfjörður Íþróttahús Fáskrúðsfjarðar Óseyri 1 475 9045 itmfas@fjardabyggd.is 
Stöðvarfjörður Íþróttahús og Sundlaug Stöðvarfjarðar Skólavegi 20 475 9046 itmsto@fjardabyggd.is 
Breiðdalsvík Íþróttamiðstöð Breiðdalshrepps Selnesi 470 5560 info@breiddalur.is
Egilsstaðir Egilsstaðarflugvöllur Kaffiterían 471 2360
Upplýsingamiðstöð Austurlands Miðvangi 2-4 471 2320 info@east.is
Sjá opnunartíma sundlauga og íþróttamiðstöðva í Fjarðabyggð