mobile navigation trigger mobile search trigger

Umhverfisviðurkenning Fjarðabyggðar

Umhverfisviðurkenning Fjarðabyggðar er veitt árlega í þremur aðskildum flokkum eða fyrir snyrtilegustu lóð í þéttbýli, snyrtilegastu lóð í dreifbýli og snyrtilegustu lóð fyrirtækis eða stofnunar. Eigna-, skipulags- og umhverfisnefnd fer með úthlutun viðurkenninga. Umsjón með framkvæmd hefur umhverfisstjóri.

Óskað er eftir tilnefningum í ágúst og september og er þeim sem eru með lögheimili í Fjarðabyggð heimilt að tilnefna í öllum flokkum innan þess tímafrests sem auglýstur er. Eigna-, skipulags- og umhverfisnefnd skipar dómnefnd, sem sker á faglegum grunni úr um hver þeirra tilnefndu hreppir hnossið. 

Umhverfisviðurkenning 2017

Umhverfisverðlaun Fjarðabyggðar voru veitt í annað sinn á Stríðsárasafninu á Reyðarfirði fimmtudaginn 12. október. Viðurkenningar voru veittar í þremur flokkum; fyrir snyrtilegustu lóð við íbúðarhús, snyrtilegasta umhverfi íbúðarhúss í dreifðri byggð og snyrtilegustu fyrirtækjalóð. Óskað var eftir tilnefningum frá íbúum í Fjarðabyggð og bárust alls 11 tilnefningar á öllum flokkum.

Til hægri: Handhafar umhverfisverðlauna Fjarðabyggðar 2017 ásamt bæjarstjóra, umhverfisstjóra og varafomanni ESU. (f.v) Ragnar Sigurðsson, varaformaður ESU, Sigurður Baldursson og Dagbjört Briem Gísladóttir, Sléttu, Ari B. Guðmundsson og Jóna Björg Margeirsdóttir, Hæðargerði 23, Petra Sveinsdóttir frá Steinasafni Petru, Páll Björgvin Guðmundsson bæjarstjóri og Anna Berg Samúelsdóttir umhverfisstjóri.

Snyrtilegasta lóð í þéttbýli

Jóna Margeirsdóttir og Ari Bergsveinn Guðmundsson - Hæðargerði 23, Reyðarfirði

Umsögn dómnefndar:
Lóðin er afar snyrtileg og stílhrein, hellulögn og garður mynda fallega heild. Garðurinn er vel snyrtur og plöntuvalið er til fyrirmyndar með tilliti til árstíða og vaxtarlags. Garðurinn er afar fagmannlega unninn og er með fallegan og heildstæðan stíl.

Snyrtilegasta lóð í dreifbýli

Dagbjört Briem Gísladóttir og Sigurður Baldursson  - Sléttu, Reyðarfirði

Umsögn dómnefndar:
Umhverfi bæjar er mjög snyrtilegt og nánast hvergi rusl að sjá né annan óþarfa, ekki einu sinni utan við gripahúsin. Heyrúllum raðað afar snyrtilega upp. Lóðin hefur góða heildar ásýnd.  Slétta er afar snyrtilegur bóndabær og það gefur skemmtilegan blæ að sjá hænurnar frjálsar við bæinn.

Snyrtilegasta lóð fyrirtækis eða stofnunar

Steinasafn Petru - Fjarðabraut 21, Stöðvarfirði

Umsögn dómnefndar:
Hér gefur að líta mjög metnaðarfulla rekstraraðila sem hafa náð að gera heildarásýnd svæðisins afar fagra. Einnig er hugsað vel út í hvert einasta smáatriði í garðinum, blóm, steinar sem allt annað er vel ígrundað. Garðurinn er einstaklega blómlegur og plöntuvalið er fjölbreytt. Steinasafn Petru er velhirt blómaparadís.

ÁBENDINGAR OG KVARTANIR

Sviðsstjóri framkvæmda- og umhverfissviðs Fjarðabyggðar
mannvirkjastjori@fjardabyggd.is  
sími 470 9019.

Umsjón

Umhverfisstjóri Fjarðabyggðar,  
anna.b.samuelsdottir@fjardabyggd.is
sími 470 9065.