mobile navigation trigger mobile search trigger

Umhverfisviðurkenning Fjarðabyggðar

Umhverfisviðurkenning Fjarðabyggðar er veitt árlega í þremur aðskildum flokkum eða fyrir snyrtilegustu lóð í þéttbýli, snyrtilegastu lóð í dreifbýli og snyrtilegustu lóð fyrirtækis eða stofnunar. Eigna-, skipulags- og umhverfisnefnd fer með úthlutun viðurkenninga. Umsjón með framkvæmd hefur umhverfisstjóri.

Óskað er eftir tilnefningum í ágúst og september og er þeim sem eru með lögheimili í Fjarðabyggð heimilt að tilnefna í öllum flokkum innan þess tímafrests sem auglýstur er. Eigna-, skipulags- og umhverfisnefnd skipar dómnefnd, sem sker á faglegum grunni úr um hver þeirra tilnefndu hreppir hnossið. 

Umhverfisviðurkenning 2018

Umhverfisviðurkenningar Fjarðabyggðar voru veittar í þriðja sinn þann 20. október 2018

Alls bárust ellefu tilnefningar. Fagnefnd skoðaði þær allar og gaf hverri lóð fyrir sig einkunn sem var gefin út frá hinum ýmsu þáttum s.s. skipulagi, umhirðu, tegundasamsetningu, snyrtimennsku, viðhaldskröfum o.m.fl.   

Við dómsmat á tilnefndum lóðum einkaaðila og fyrirtækja kom upp sú staða að tvær einkalóðir voru jafnar að stigum og hljóta þær því báðar umhverfisviðurkenningu Fjarðabyggðar. Í ár barst engin tilnefning fyrir snyrtilegustu lóð í dreifbýli og því var ekki veitt viðurkenning í þeim flokki.

Umhverfisviðurkenningar Fjarðabyggðar 2018:

Einkalóð:Blómsturvellir 33, 740 Neskaupstað, eigendur Ernu Guðjónsdóttur og Kristins Þórs Ingvarssonar.

Einkalóð: Blómsturvellir 45, 740 Neskaupstað, eigendur Sigurborgu Kristinsdóttur og Tómas R. Zoéga

Fyrirtæki: Ferðaþjónustan Mjóeyri Strandgata 120, 735 Eskifjörður, eigendur Berglind Steina Ingvarsdóttir og Sævar Guðjónsson.

Umhverfisviðurkenning 2017

Umhverfisverðlaun Fjarðabyggðar voru veitt í annað sinn á Stríðsárasafninu á Reyðarfirði fimmtudaginn 12. október. Viðurkenningar voru veittar í þremur flokkum; fyrir snyrtilegustu lóð við íbúðarhús, snyrtilegasta umhverfi íbúðarhúss í dreifðri byggð og snyrtilegustu fyrirtækjalóð. Óskað var eftir tilnefningum frá íbúum í Fjarðabyggð og bárust alls 11 tilnefningar á öllum flokkum.

Til hægri: Handhafar umhverfisverðlauna Fjarðabyggðar 2017 ásamt bæjarstjóra, umhverfisstjóra og varafomanni ESU. (f.v) Ragnar Sigurðsson, varaformaður ESU, Sigurður Baldursson og Dagbjört Briem Gísladóttir, Sléttu, Ari B. Guðmundsson og Jóna Björg Margeirsdóttir, Hæðargerði 23, Petra Sveinsdóttir frá Steinasafni Petru, Páll Björgvin Guðmundsson bæjarstjóri og Anna Berg Samúelsdóttir umhverfisstjóri.

Snyrtilegasta lóð í dreifbýli

Engar tilnefningar bárust árið 2018 í flokknum snyrtilegasta lóð í dreifbýli

Snyrtilegasta lóð í þéttbýli 2018

Blómsturvellir 33, 740 Neskaupstað, eigendur Ernu Guðjónsdóttur og Kristins Þórs Ingvarssonar.

Umsögn dómnefndar: Í haustskrúðanum er garðurinn eins og fegursta málverk.

Blómsturvellir 45, 740 Neskaupstað, eigendur Sigurborgu Kristinsdóttur og Tómas R. Zoéga.

Umsögn dómnefndar:Pallur og gróðursvæði gefa garðinum ævintýrablæ

Snyrtilegasta lóð fyrirtækis eða stofnunar 2018

Ferðaþjónustan Mjóeyri Strandgata 120, 735 Eskifjörður, eigendur Berglind Steina Ingvarsdóttir og Sævar Guðjónsson.

Umsögn dómnefndar:
Ferðaþjónustan á Mjóeyri nær að fanga staðarandann, svæðið allt tónar vel við gamla hluta Eskifjarðarbæjar.

ÁBENDINGAR OG KVARTANIR

Umsjón

Umhverfisstjóri Fjarðabyggðar,  
anna.b.samuelsdottir@fjardabyggd.is
sími 470 9065.