Úthlutun úr minningarsjóði Ágústar Ármanns fór fram á fæðingardegi Ágústar 23.febrúar sl. Þetta er í annað sinn sem úthlutað er úr minningarsjóðnum en hann var stofnaður árið 2015. Áhersla er lögð á að einstaklingar og stofnanir innan Fjarðabyggðar geti sótt um í sjóðinn fyrir verkefni sem stuðla að aukinni tónlistarmenntun.
05.03.2018
Úthlutun úr minningarsjóði Ágústar Ármanns
Í ár hlutu þrír einstaklingar styrk.
Garðar Eðvaldsson er nemandi í saxafónleik sem hefur undanfarin þrjú ár verið við nám í djasssaxófónleik í Basel Sviss, þar sem hann hyggst ljúka Bachelor gráðu nú í sumar.
Jóhanna Seljan fær styrk til að sækja námskeið til Danmerkur í Complete Vocal Technique söngtækninni í Kaupmannahöfn.
Anya Hrund Shaddock fær styrk til að hefja nám við Menntaskólann í Tónlist á Rythmískri tónlistarbraut, sem leggur grunn að háskólanámi á sviði tónlistar, auk einkatíma í söngtækni hjá Vocal Arts Technique.