mobile navigation trigger mobile search trigger

Íþróttamaður Fjarðabyggðar

Íþróttamaður Fjarðabyggðar 2020

Tinna Rut Þórarinsdóttir er tvítug blakkona sem er uppalin hjá Þrótti Neskaupstað en hún hefur æft blak frá sex ára aldri og hefur spilað sérstaklega vel með meistaraflokki Þróttar síðustu keppnistímabil.  

Tinna Rut er auk þess landsliðskona og var hún t.a.m í A-landsliðshópn­um sem mætti Slóven­íu og Belg­íu í í und­an­keppni EM á síðasta ári. Tinna er mikil og góð fyrirmynd annarra iðkenda, öflug og samviskusöm.

Í vor skrifaði Tinna Rut undir samning við Lindesberg Volley í Svíþjóð og hefur leikið stórt hlutverk með liðinu í sænsku úrvalsdeildinni í haust.

Tinna var því eðlilega ekki heima í Neskaupstað þegar íþrótta- og frístundastjóri bankaði upp á hjá henni í morgun til að tilkynna henni um úrslitin og færa henni verðlaunagripina. Við verðlaununum tóku foreldrar hennar þau Sigríður Þrúður og Þórarinn.

Hér fyrir neðan má sjá lista yfir þá sem valdir hafa verið íþróttamenn Fjarðabyggðar frá árinu 2000

2020 - Tinna Rut Þórarinsdóttir, blakkona Þrótti Neskaupstað

2019 - Daði Þór Jóhannsson, frjálsar íþróttir Leikni Fáskrúðsfirði

2018 - Ana Maria Vidal Bouza, blakkona Þrótti Neskaupstað

2017 - María Rún Karlsdóttir, blakkona Þrótti Neskaupstað

2016 – Ásmundur Hálfdán Ásmundsson, glímumaður Val Reyðarfirði

2015 – María Rún Karlsdóttir, blakkona Þrótti Neskaupsstað

2014 – Eva Dögg Jóhannsdóttir, glímukona Val Reyðarfirði

2013 – Aron Gauti Magnússon, knattspyrnumaður Austra Eskifirði

2012 – Þorbjörg Ólöf Jónsdóttir, blakkona Þrótti Neskaupsstað

2011 – Helena Kristín Gunnarsdóttir, blakkona Þrótti Neskaupsstað

2010 – Sveinn Fannar Sæmundsson, knattspyrnumaður Þrótti Neskaupsstað

2009 – Jóhann Ragnar Benediktsson, knattspyrnumaður Austra Eskifirði

2008 – Laufey Frímannsdóttir, glímukona Val Reyðarfirði

2007 – Eggert Gunnþór Jónsson, knattspyrnumaður Austra Eskifirði

2006 – Eggert Gunnþór Jónsson, knattspyrnumaður Austra Eskifirði

2005 – Jóna Guðlaug Vigfúsdóttir, blakkona Þrótti Neskaupsstað

2004 – Ólafur Gunnarsson, glímumaður Val Reyðarfirði

2003 – Þorbergur Ingi Jónsson, langhlaupari Þrótti Neskaupstað

2002 – Karl Friðrik Jörgensen, skíða- og knattspyrnumaður Þrótti Neskaupsstað

2001 – Þorbjörg Ólöf Jónsdóttir, blakkona Þrótti Neskaupsstað

2000 – Hulda Elma Eysteinsdóttir, blakkona Þrótti Neskaupsstað

og Guðni Þór Magnússon, frjálsar íþróttir Austra Eskifirði