Þjónusta
Fjarðabyggðarhafnir þjóna skipum, bátum og öðrum sem leið eiga um hafnir Fjarðabyggðar eða hafnarsvæðin. Þjónusta hafnanna er ætluð útgerðum, fyrirtækjum og einstaklingum. Þjónusta er veitt allan sólarhringinn. Starfsstöðvar hafna eru opnar kl. 8:00 – 17:00 vikra daga. Utan vinnutíma er þjónustu stinnt með útköllumí vaktsíma viðkokmandi hafna.
Sjófarendum ber að tilkynna komu til viðkomandi hafnar með ákveðnum fyrirvara skv. hafnarreglugerð Fjarðabyggðarhafna. Öll umferð um hafnir og hafnarsvæði skal fara fram í samráði við hafnarstarfsmenn á viðkomandi stað.
Vaktsímar hafnanna eru fyrir Norðfjarðarhöfn 477 1333, Eskifjarðarhöfn 476 1199 og Reyðarfjarðarhöfn 474 1305. Höfnin á Reyðarfirði sinnir jafnframt Mjóeyrar-, Fáskrúðsfjarðar-, Stöðvarfjarðar- og Breiðdalsvíkurhöfn, auk útköllum vegna dráttarbátar.
Alla þjónustu er að fá í Fjarðabyggðarhöfnum. Fjölmörg öflug fyrirtæki eru reiðubúin að veita sjófarendum úrvals þjónustu, hvort heldur er á veiðarfærum, skipum, búnaði eða annarri þjónustu. Þá er úrval af verslunum og þjónustuaðilum í Fjarðabyggðar, þar á meðal dagvöru- og lágverðsverslanir, bankar og heilbrigðisþjónusta.