Bæjarráð Fjarðabyggðar skorar á stjórnvöld að stórefla vöktun og rannsóknir á loðnustofninum því öflugar hafrannsóknir eru forsenda sjálfbærrar verðmætasköpunar í sjávarútvegi og mikilvægt að stjórnvöld fjárfesti í þekkingu á sviði sjávarútvegs með auknu fjármagni til rannsókna.
11.11.2019
Bókun bæjarráðs er varðar vöktun og rannsóknir á loðnustofninum
Í lögum um veiðigjald er tekjum ríkisins af veiðigjaldinu m.a. ætlað að mæta kostnaði ríkisins við rannsóknir, stjórn, eftirlit og umsjón með fiskveiðum.
Bæjarráð skorar á stjórnvöld að tryggja að tekjur ríkisins af veiðigjaldinu skili sér í auknum mæli í rannsóknir eins og þeim er ætlað. Loðnubrestur annað árið í röð mun hafa alvarlegar afleiðingar fyrir atvinnu og efnahag í Fjarðabyggð sem og á landinu öllu. Mikilvægt er að vakta og rannsaka hagi loðnunnar til hlýtar, svo að ákvarðanir um veiðar byggi á vísindalegum niðurstöðum um stærð og hag stofnsins, sem stuðlað geti að sjálfbærum veiðum til framtíðar.