Framtíðarstarf í Íþróttamiðstöð Reyðarfjarðar
Íþróttamiðstöð Reyðarfjarðar auglýsir eftir kvenkyns starfsmanni í framtíðarstarf. Starfið er laust nú þegar. Um er að ræða fullt starf í vaktavinnu.
Starfið felur m.a. í sér; móttöku gesta, afgreiðslu, baðvörslu, þrif og aðra almenna þjónustu við gesti íþróttamiðstöðvarinnar. Mikilvægur hluti starfsins er að hafa samskipti við börn og unglinga. Viðkomandi þarf að gangast undir öryggispróf sundstaða sem og skyndihjálparnámskeið
- Leitað er að starfsmanni sem er traustur, reglusamur og vandvirkur og á auðvelt með að eiga samskipti við fólk.
- Gott væri ef viðkomandi hefði reynslu af sambærilegum störfum.
- Viðkomandi þarf að vera orðinn 18 ára.
Laun eru samkvæmt samningum launanefndar sveitafélaga og viðkomandi stéttarfélags.
Frekari upplýsingar um starfið gefur Bjarki Ármann Oddsson, íþrótta- og tómstundafulltrúi í síma: 893-9098 og netfang: bjarki.a.oddsson@fjardabyggd.is
Umsóknarfrestur er til og með 20. mars