Niðurstöður jafnlaunagreiningar hjá Fjarðabyggð sýna að óútskýrður launamunur heildarlauna er 0,55% körlum í vil og er því í samræmi við jafnlaunamarkmið sveitarfélagsins. Þetta er lækkun frá því í fyrra en þá mældist óútskýrður kynbundin launamunur 1,4% konum í vil.
24.02.2021
Launamunur kynja lækkar á milli ára hjá Fjarðabyggð
Stefna Fjarðabyggðar er að allir starfsmenn njóti jafnra launa og sömu kjara fyrir sömu eða jafnverðmæt störf. Óútskýrður launamunur verði aldrei meiri en 3,5% og ávalt sem næst 0%.
Tilgangur jafnlaunagreiningar er að meta hvort óútskýrður launamunur sé til staðar á milli kynja í sömu eða jafn verðmætum störfum. Til að verðmeta störf er þeim raðað eftir hæfni, álagi, ábyrgð og vinnuaðstæðum samkvæmt flokkun Starfsmats. Þá er störfum raðað í hópa þannig að jafnverðmætum störfum er raðað saman. Jafnframt er sérstaklega skoðað hvernig persónuálag hefur áhrif á laun.
Við fögnum því að óútskýrður launamunur kynjanna lækki milli ára og höldum ótrauð áfram að vinna að jafnrétti í samfélaginu.