Þriðjudaginn 3. nóvember verður styttri opnunartími í tveimur leikskólum í Fjarðabyggð, Dalborg á Eskifirði og Lyngholti á Reyðarfirði.
Opnunartími þann 3. nóvember verður sem hér segir.
Dalborg: Opið frá kl. 07:30 - 12:15
Lyngholt: Opið frá kl. 12:00 – 16:30
Aðrir leikskólar í Fjarðbyggð munu hafa óbreyttan opnunartíma.
Ástæða þessa er reglugerð heilbrigðisráðherra um hertar sóttvarnir í skólastarfi sem birt var kl. 21:30 í gærkvöldi. Í henni kemur m.a. fram að fjöldatakmarkanir verða í leikskólum, 50 börn saman í hólfi, auk þess sem samgangur starfsmanna er takmarkaður. Í þessum tveimur leikskólum þarf að fara í talsverðar tilfæringar og endurskipuleggja starfið með hliðsjón af hertum kröfum.
Beðist er velvirðingar á þeim óþægindum sem þetta kann að valda, en þessar ráðstafanir eru nauðsynlegar til að tryggja að reglugerðinni sé fylgt. Við vonum að foreldrar sýni þessu skilning.