Nú er unnið að gerð göngu- og hjólastíga á Eskifirði sem tengja þéttbýlið á Eskifirði við útvistarsvæðið í Hólmanesi.
Undanfarin ár hefur verið unnið að því að byggja upp göngustíga í Hólmanesinu sjálfu en nú á vordögum hófst vinna við stígagerð sem tengir þéttbýlið á Eskifirði við svæðið. Þegar þessari vinnu lýkur verður kominn upp örugg tenging þannig að hægt verði að hjóla, eða ganga frá þéttbýlinu á Eskifirði út í Hólmanes, án þess að þurfa að notast við fjölfarna akvegi.
