Tveir eru enn í sóttkví á Austurlandi. Enginn er í einangrun. Aðgerðastjórn brýnir íbúa á Austurlandi til dáða sem fyrr og minnir á tveggja metra regluna sem enn er í gildi og minnir á gildi handþvottar og spritt notkunar.
12.05.2020
Tilkynning frá aðgerðastjórn á Austurlandi 12. maí
Fyrirspurnir hafa borist aðgerðastjórn um þá farþega er koma til landsins frá Norrænu, hvort þeirra bíði sóttkví. Samkvæmt gildandi fyrirmælum fara allir ferðamenn er koma til landsins, hvort heldur íslenskir eða erlendir, í fjórtán daga sóttkví við komu til landsins. Þeir tilkynna fyrir komu um dvalarstað hér á landi og halda beina leið þangað án samskipta við aðra á leið sinni. Smithætta vegna þeirra á því engin að vera. Sóttkví í hjólhýsi, húsbílum eða slíku er óheimil. Sóttkví á hóteli er heimil með skilyrðum.