Enginn er með virkt COVID smit á Austurlandi. Enn er fjöldi smita að greinast á höfuðborgarsvæðinu sem og víða á landsbyggðinni. Gert er ráð fyrir hertum reglum af hálfu yfirvalda vegna þessa. Þær verða kynntar á þessum vettvangi um leið og þær liggja fyrir, hugsanlega á morgun.
29.10.2020
Tilkynning frá aðgerðastjórn á Austurlandi 29. október
Aðgerðastjórn hvetur sem fyrr til aðgæslu í hvívetna meðan þetta viðkvæma ástand varir, að ferðalög verði ekki farin nema af brýnni nauðsyn, fjarlægðarmörk virt, handþvottur stundaður sem aldrei fyrr og spritt borið á snertifleti. Þá er áréttuð grímunotkun þar sem við á og reglur segja til um, svo sem í verslunum.
Höldum áfram að gera þetta saman.