mobile navigation trigger mobile search trigger
16.03.2020

Upplýsingar um skólahald í Fjarðabyggð meðan á samkomubanni stendur

Leik-, grunn- og tónlistarskólar í Fjarðabyggð munu starfa í samkomubanni og sinna verkefnum sínum eins og kostur er: 

Leikskólar

  • Opnunartími leikskóla styttist um 15 mínútur í upphafi og lok dags og verður frá 7:45 – 16:15.
  • Samgangur nemenda verður ekki milli deilda. Nemendur verða í smærri hópum á hverri deild og samskipti milli hópa lágmörkuð.
  • Biðlað er til foreldra sem eiga kost á því hafa börnin heima dag og dag að hafa samband við leikskólastjóra.

Grunnskólar

  • Nemendahópar í kennslurými eru ekki fleiri en 20 og samgangur ekki milli nemendahópa.
  • Skólum hefur verið skipt í svæði til þess að auðvelda framkvæmd.
  • Nemendur í elstu árgöngum í stærstu skólunum fara heim í mat og sinna fjarkennslu eftir hádegismat.
  • Þar sem nemendur eru mikið í sinni kennslustofum er dagurinn brotinn upp með hreyfingu og útiveru.

Frístund

  • Í Frístund verður skipt niður í sömu hópa og í skólanum þannig að nemendur í mismunandi hópum hittist ekki.
  • Biðlað er til foreldra barna í frístund, sem eiga kost á því hafa börnin heima dag og dag eða sækja fyrr, að hafa samband við forstöðumann Frístundar.

Tónlistarskólar

  • Haldið er úti tónlistarkennslu eins og hægt er, en tónfundir og hópkennsla í tónfræði fellur niður.

Skólastjórnendur hvers skóla senda nánari upplýsingar um skólahaldið.  Foreldrar eru beðnir að kynna sér vel upplýsingarnar