Stjórn menningarstofu

Fundur með fulltrúa bæjarhátíðarinnar Neistaflugs sem fór yfir með stjórn framkvæmd og fyrirkomulag hátíðarinnar.
Stjórn vísar málefnum bæjarhátíðanna til frekari úrvinnslu upplýsingafulltrúa og bæjarritara. Tekið upp að nýju í stjórninni til frekari úrvinnslu.

Framlagt bréf frá stjórn Sjóminjasafns Austurlands þar sem stjórn leggur til að Fjarðabyggð taki yfir rekstur á safninu.
Stjórn samþykkir fyrir sitt leyti að taka yfir rekstur á Sjóminjasafni Austurlands með eflingu safnsins í huga sem hluta af áætlunum Fjarðabyggðar um eflingu safna Fjarðabyggðar. Vísað til bæjarráðs til afgreiðslu.

Framlögð að nýju drög að samningum um sýningarhönnun og sýningarstjórnun vegna nýrrar sýningar í Íslenska stríðsárasafninu.
Stjórn samþykkir framlögð drög og felur bæjarstjóra undirritun samninganna.

Framlagðar kostnaðartölur yfir framkvæmdir við uppbyggingu Íslenska stríðsárasafnsins.
Stjórn felur bæjarritara og formanni stjórnar að útfæra framkvæmd og verð með framkvæmdasviði.

Framlagðar til kynningar umsóknir Menningarstofu í Uppbyggingarsjóð Austurlands en sótt er um tvö verkefni á árinu 2026, Innsævi og Upptaktinn.

Framlagðar tillögur og hugmyndir að styrkjum í safnasjóð.
Stjórn felur verkefnastjóra og bæjarritara að vinna áfram að umsóknum og sækja um í Safnasjóð.