Fjarðabyggð auglýsir starf stjórnanda fjölskylduráðgjafar og barnaverndar laust til umsóknar.
Ert þú dugmikill einstaklingur með reynslu af málefnum fjölskyldna og barna? Hefur þú brennandi áhuga á málefnum barna og fjölskyldna? Vilt þú taka þátt í starfi öflugs og samheldins hóps starfsmanna fjölskyldusviðs Fjarðabyggðar? Þá erum við að leita að þér!
Fjarðabyggð er öflugt, vaxandi samfélag sem leggur mikla áherslu á velferð og málefni fjölskyldna og barna. Á fjölskyldusviði Fjarðabyggðar er lögð áhersla á þverfaglega vinnu og stuðning starfsmanna í teymisstarfi við úrlausn margþættra verkefna sem tengjast fjölskyldum og börnum með það markmið að efla lífsgæði og hagsæld þeirra. Starf stjórnanda er nýtt í stjórnkerfi Fjarðabyggðar og heyrir það undir sviðsstjóra fjölskyldusviðs. Starfsmaður er ábyrgur fyrir faglegu starfi og rekstri síns málaflokks. Starfið felur í sér ábyrgð á starfsemi og þjónustu fjölskylduráðgjafar og barnaverndar samkvæmt stefnumörkun sveitarstjórnar. Stjórnandi vinnur með sviðsstjóra að undirbúning stefnumótunar og ber ábyrgð á eftirfylgni hennar, þekkingaröflun, þekkingarmiðlun, þróunarstarfi og greiningu upplýsinga varðandi viðfangsefni málaflokksins.
Helstu verkefni:
- Yfirmaður málaflokksins og stýrir rekstri hans þ.m.t. stuðningi og ráðgjöf við fjölskyldur.
- Yfirumsjón barnaverndarmála.
- Yfirumsjón með skipulagi og samræmingu starfseminnar.
- Annast samstarf við hagsmunaaðila.
- Yfirumsjón með upplýsingagjöf um starfsemi málaflokksins og miðlun upplýsinga.
- Öflun og greining upplýsinga um málaflokkinn.
- Öflun og greining upplýsinga um forvarnarmál sveitarfélagsins ásamt þátttöku í stefnumörkun í forvarnarmálum.
- Frumkvæði að samskiptum og aðgerðum til að styrkja fjölskyldur og barnavernd í Fjarðabyggð.
Hæfniskröfur:
- Félagsráðgjöf eða háskólamenntun sem nýtist við stjórnun og skipulagningu starfs.
- Reynsla og þekking á rekstri, stjórnun og stefnumótun.
- Þekking á stefnumótandi áætlanagerð og gerð rekstrar- og fjárhagsáætlana.
- Þekking á helstu upplýsingakerfum.
- Þekking á undirbúningi og stjórnun funda.
- Góð málakunnátta (íslenska og enska) og hæfni til að setja fram mál í ræðu og riti.
- Forystu-, skipulags- og samskiptahæfileikar.
- Sjálfstæði í vinnubrögðum.
- Hæfni í mannlegum samskiptum.
- Geta til að taka þátt í og stjórna breytingum.
- Áhugi á þátttöku í teymisstarfi og umbótaverkefnum.
Starfslýsing stjórnanda fjölskyldu- og barnaverndar 2019
Launakjör eru samkvæmt kjarasamningum sveitarfélagsins við viðkomandi stéttarfélag. Konur jafnt sem karlar eru hvattar til að sækja um stöðuna.
Allar frekari upplýsingar veitir Karl Óttar Pétursson bæjarstjóri Fjarðabyggðar, í síma 470 9000 eða á netfanginu karl.petursson@fjardabyggd.is
Umsóknarfrestur er til og með 14. september 2019 og æskilegt að viðkomandi geti hafið störf eigi síðar en í nóvember.
Sótt er um starfið í gegnum ráðningarvef Fjarðabyggðar starf.fjardabyggd.is með því að smella hér