Forvarnarteymi Fjarðabyggðar
Forvarnarteymi Fjarðabyggðar er formlegur samráðs- og samstarfsvettvangur starfsmanna og stofnana sem koma að ýmsum málum sem tengjast börnum og unglingum í sveitarfélaginu. Forvarnarteymið er þannig skipað:
Stjórnandi tómstunda og forvarnarmála er formaður teymisins en auk hans sitja í teyminu stjórnandi félagsþjónustu og barnaverndar, fulltrúi grunnskóla, leikskóla og félagsmiðstöðva. Fulltrúar þjónustuveitenda á vegum ríkis koma frá lögreglu, Heilbrigðisstofnun Austurlands og Verkmenntaskóla Austurlands.
Hlutverk forvarnarteymis Fjarðabyggðar er að fylgjast almennt með málum tengdum börnum og unglingum í Fjarðabyggð, safna upplýsingum, veita stuðning og samræma aðgerðir. Í teyminu verður yfirsýn yfir meðferðar- og uppeldisúrræði sem til staðar eru í sveitarfélaginu og víðar.
Helstu verkefni forvarnarteymisins:
- Kryfja niðurstöður rannsókna á högum ungs fólks og gera tillögur til úrbóta.
- Leggja drög að forvarnaráætlun hvers árs.
- Fylgjast með stöðu og málefnum barna í Fjarðabyggð.
- Standa fyrir forvarnarviðburðum.
- Vera málsvari forvarna í samfélagslegri umræðu í Fjarðabyggð.
Hlutverk forvarnarteymis Fjarðabyggðar er jafnframt að fylgjast með og þróa nýjungar varðandi úrræði í málefnum barna og ungmenna, koma hugmyndum á framfæri við viðkomandi stofnanir og félagasamtök og vera ráðgefandi um stofnun ýmissa meðferðarúrræða.
Eyrún Inga Gunnarsdóttir – formaður forvarnarteymis Fjarðabyggðar / Deildarstjóri tómstunda og forvarnarmála.
Guðlaug Árnadóttir – skólastjóri Grunnskóla Reyðarfjarðar.
Hólmfríður M. Benediktsdóttir – verkefnastjóri félagsmiðstöðva.
Inga Rún Sigfúsdóttir – stjórnandi félagsþjónustu og barnaverndar.
Kristrún S. Michelsen – hjúkrunarfræðingur hjá HSA.
Lilja Tekla Jóhannsdóttir – verkefnastjóri félagsmiðstöðva.
Margrét María Sigurðardóttir – lögreglustjóri Austurlands.
Salóme Rut Harðardóttir – íþróttakennari og forvarnarfulltrúi VA.
Viðar Jónsson – skólastjóri Grunnskóla Fáskrúðsfjarðar.
Þórdís Mjöll Benediktsdóttir – skólastjóri Leikskólans Dalborgar.
Ef þið viljið koma upplýsingum á framfæri til forvarnarteymisins, vinsamlegast sendið tölvupóst á eyruninga@fjardabyggd.is
Forvarnarteymið hefur nú birt dagskrá fyrir árið 2023. Dagskráin verður lifandi skjal og uppfært reglulega með nýjum viðburðum fyrir skólaárið.
Sjá aðgerðaráætlunina Upplýsingabæklingur um forvarnir í Fjarðabyggð 2023