Sorphirða og Endurvinnsla

Fjarðabyggð er vel á veg komið í umhverfismálum og gaman hefur verið að sjá hversu mjög ásýnd bæjarkjarnanna hefur breyst til hins betra á undanförnum árum. Aukin áhersla hefur verið á flokkun úrgangs á undaförnum árum. Árið 2010 var Græna tunnan tekinn í notkun og í hana er safnað öllum pappír, bylgjupappa og pappa, plast, minni málmhluti (s.s. niðursuðudósir, málmlok af glerkrukkum) og fernur sem til falla. Árið 2018 bætist svo Brúna tunnan við en í hana á safna öllum lífrænum úrgangi sem til fellur heimilum í Fjarðabyggð

Þriggja tunnu kerfi

Frá og með janúar 2018 verður þriggja tunnu sorptunnukerfi í Fjarðabyggð en þá bættist brúna tunnan við hinar tvær sem fyrir eru. Gráa-, Græna- og Brúna tunnan verða allar losaðar á þriggja vikna fresti. 

Handbók vegna innleiðingar Brúnu tunnunar verður borinn á öll heimili í Fjarðabyggð á næstunni. Handbókina má nálgast hér: Við hugsum áður en við hendum 

Móttöku- og söfnunarstöðvar í Fjarðabyggð

Móttökustöð Fjarðabyggðar er á Reyðarfirði. Þar er tekið á móti stærri förmum af úrgangi frá fyrirtækjum og einstaklingum. Allur úrgangur er fluttur á móttökustöð til vinnslu, þar sem hann flokkaður og ýmist fluttur til urðunar eða sendur til endurvinnslu.  Íslenska Gámafélagið sér um rekstur móttökustöðvar og sér um  að pressa pappa og flytja hráefni til endurvinnslu beint frá Reyðarfirði.

Á öðrum stöðum er söfnunarstöðvar.

Klippikort

Frá og með janúar 2018 er aðeins hægt að greiða fyrir gjaldskyldan úrgang á móttöku- og söfnunarstöðvum með klippikorti. Klippikort verða borin í öll íbúðarhús í Fjarðabyggð en mikilvægt er að týna ekki klippikortunum, því þá þarf viðkomandi að greiða fyrir nýtt kort. Með því að sýna kortið geta íbúar losað sig við 4 m³ af gjaldskyldum úrgangi á ári án þess að greiða fyrir. Ef farið er umfram það magn þarf hinsvegar að kaupa nýtt kort. Öll fyrirtæki þurfa að greiða fyrir klippikort.

Opnunartími móttöku- og söfnunarstöðva

Staðsetning söfnunarstöðva