Sótt er um leikskóladvöl á vefsíðu hlutaðeigandi leikskóla.
Eigi síðar en þremur vikum áður en leikskólaganga getur hafist, er tilkynnt að barnið geti fengið inngöngu. Forráðamenn þurfa þá að staðfesta innan sjö daga hvort leikskólapláss verði tekið. Sækja má um vistun um leið og barn hefur fengið kennitölu
Opnunartími leikskóla er frá kl. 07:45 til 16:15 og börn geta dvalið í leikskólanum í fjórar til átta og hálfa klukkustund að hámarki á dag.
Viðbótar vistunargjald er greitt fyrir tímann fyrir kl. 7:45 – 7:00 og tímann frá 16:00 - 16:15.
Leikskólar eru lokaðir sex daga á ári vegna skipulagsdaga. Leikskólar opna seinna eða loka fyrr fjórum sinnum á ári vegna starfsmannafunda (ársfjórðungslega). Við gerð skóladagatals er miðað við að samræmi sé milli leikskóla og grunnskóla, eftir því sem því verður við komið. Leikskólar eru lokaðir 24. og 31.desember.
Skráningadagar eru 20 á ári og eru þeir merktir í skóladagatali leikskóla. Skráningardagar er þeir dagar sem foreldrar þurfa að skrá börnin sín sérstaklega í vistun, annars er litið svo á að nemandinn sé í fríi.
Skráningar þessara daga fara fram í upphafi hverrar annar.
Dagsetningar skráningardaga eru breytilegar á milli ára í tengslum við:
Dvalargjöldin skiptast í tvennt: Almennt vistunargjald fyrir allt að 8 tíma vistun frá 08:00-16:00 og viðbótar vistun fyrir kl. 08:00 og eftir kl. 16:00. Einnig er greitt sérstaklega fyrir notaða skráningardaga. Þá er greitt fyrir morgun- og síðdegishressingu en annar fæðiskostnaður er gjaldfrjáls. Dvalargjöld og fæðisgjöld nefnast einu nafni leikskólagjöld.
Eftirfarandi afslættir eru veittir af almennu vistunargjaldi:
a) systkinaafsláttur – 50% afsláttur á annað barn og 100% á börn umfram tvö.
b) Forráðamenn sem falla undir tekjuviðmið geta fengið afslátt af dvalargjöldum samkvæmt gjaldskrá Fjarðabyggðar. Sótt er um afslátt á leikskólagjöldum í gegn um íbúagátt Fjarðabyggðar. Skila þarf staðgreiðsluskrá með umsókn.
Sjá nánar í reglum um leikskólaþjónustu.
Leikskóladeginum er skipt upp í tvennt:
Faglegt starf fer fram frá kl. 09:00–14:00 alla virka daga.
Frjáls tími, morgunverður og leikstundir eru frá 07:45–09:00 á morgnana og eftir kl. 14:00 á daginn.
Innritun nemenda í leikskóla er rafræn og fer fram ársfjórðungslega.
Breytilegur dvalartími skapar svigrúm fyrir fjölskyldur til að sníða leikskóladvöl barna að þörfum fjölskyldunnar. Með breytilegum dvalartíma greiða fjölskyldur einungis fyrir þann tíma sem er nýttur og möguleiki er á að lækka dvalargjöld. Breytilegur dvalartími milli daga er í boði fyrir öll leikskólabörn, að lágmarki 20 tíma dvöl á viku þar sem lágmarksdvöl er 4 stundir á dag alla virka daga.Foreldrar og forsjáraðilar geta skráð börnin sín í sveigjanlega dvöl í upphafi hverrar annar eða í síðasta lagi 15. ágúst fyrir haustönn og 15. desember fyrir vorönn. Hægt verður að haga skráningum þannig að dvölin sé mismunandi eftir dögum en þó aldrei meira en 42,5 tímar á viku.
Dvalargjöld í leikskólum Fjarðabyggðar eru reiknuð mánaðarlega og reiknast út frá dvöl barns miðað við fjölda klst. á mánuði án skráningardaga, sjá hér fyrir neðan:
Almennt vistunargjald fyrir allt að 6 tíma vistun frá 08:00-14:00 mun vera 17.000 kr. á mánuði. Almennt vistunargjald fyrir allt að 8 tíma vistun frá 08:00-16:00 mun vera 42.000 kr. frá og með 1. mars 2025.
Viðbótar vistunargjald á mánuði umfram almennt vistunargjald fyrir hverjar 15 mínútur á tímabilinu fyrir kl 07:45 – 08:00 kosta 10.000 kr. Hverjar 15 mínútur á tímabilinu 16:00 – 16:15 kosta 5.000 kr. frá og með 1. mars 2025.
Hér að neðan er tafla sem tekur mið af mismunandi vistunartíma barns reiknað út frá vistunargjaldi per klst.:
| Dvalarstundir | Almennt vistunargjald | Tekjutengdur 50% afsláttur | Með morgun- og síðdegis- hressingu | Með morgun- og síðdegis-hressingu og hádegismat |
|---|---|---|---|---|
| 4 tímar | 11.332 | 5.666 | 14.035 | 14.035 |
| 5 tímar | 14.165 | 7.083 | 16.868 | 16.868 |
| 6 tímar | 17.000 | 8.500 | 19.703 | 19.703 |
| 7 tímar | 31.000 | 15.500 | 36.406 | 36.406 |
| 8 tímar | 42.000 | 21.000 | 47.406 | 47.406 |
Afslættir reiknast af dvalargjöldum, það er almennu vistunargjaldi, viðbótar vistunargjaldi og gjaldi vegna skráningardaga.Veittur er 50 % afsláttur fyrir annað barn. Ekkert er greitt fyrir þriðja barn. Greiða ber fullt gjald fyrir það barn sem er í lengstri gjaldskyldri vistun.
Einstaklingar sem falla undir tekjuviðmið 0-9.000.000 kr. geta sótt um 50% afslátt af dvalargjöldum, það er almennu vistunargjaldi, viðbótar vistunargjaldi og gjaldi vegna skráningardaga, en fæðisgjald fellur ekki þar undir. Sambúðarfólk sem fellur undir tekjuviðmið 0-13.600.000 kr. geta sótt um 50% afslátt af dvalargjöldum,það er almennu vistunargjaldi, viðbótar vistunargjaldi og gjaldi vegna skráningardaga, en fæðisgjald fellur ekki þar undir.
Tekjuviðmið miðast við heimili og eru eftirfarandi:
Miðað er við meðaltekjur samkvæmt staðgreiðsluskrá fyrir síðustu 12 mánuði þegar umsókn
um leikskólavist er send inn. Endurnýjaðri staðgreiðsluskrá þarf að skila inn til viðkomandi leikskóla fyrir 1. september ár hvert.
Tekjuviðmið eru endurskoðuð af fjölskyldunefnd.
Skráningardagar eru samtals 20 á hverju ári. Gjald fyrir hvern skráningardag er 3.000 kr. og kemur til viðbótar við dvalargjöld. Foreldrar og forsjáraðilar þurfa að skrá börnin sín á skráningardaga í upphafi hverrar annar eða í síðasta lagi 15. ágúst fyrir haustönn og 15. desember fyrir vorönn.
Skráningardagarnir 2025 eru sem hér segir:
Vetrarfrí að vori
Dagsetningar koma fram í skóladagatölum ár hvert
14. – 16. apríl (3 dagar í dymbilviku)
25. apríl (föstudagur)
2. maí (föstudagur)
30. maí (föstudagur)
16. júní (mánudagur)
Vetrarfrí að hausti
Dagsetningar koma fram í skóladagatölum í mars ár hvert
22. desember (mánudagur)
23. desember (þriðjudagur)
29. desember (mánudagur)
30. desember (þriðjudagur)
Hver leikskóli ákvarðar fjóra skráningadaga í viðbót við ofangreindar dagsetningar sem verða tilgreindir í skóladagatali hvers skólaárs. Fjórum sinnum á ári (tvisvar á önn) hefst skóladagurinn annað hvort kl 10:10 eða lýkur kl 13:50 vegna starfsmannafunda. Skert opnun vegna starfsmannafunda verður tilgreind í skóladagatali hvers skólaárs.
| Tegund | Verð |
|---|---|
| Morgunhressing | 2.703 - kr. |
| Síðdegishressing | 2.703 - kr. |
| Hádegismatur | 0 - kr. |
Fæðisgjald (morgunhressing og/eða síðdegishressing) fylgir vistunartíma barna.
Leikskólagjaldið greiðist fyrir fram, eindagi er 15. hvers mánaðar. Dragist greiðsla í tvo mánuði er litið svo á, að undangenginni viðvörun, að plássinu hafi verið sagt lausu. Uppsagnarfrestur leikskólaplássa er einn mánuður og miðast uppsögn við 1. hvers mánaðar.
Ef um veikindi barns er að ræða sem vara 4 vikur eða lengur er hægt að fella niður leikskólagjöld um helming gegn framvísun læknisvottorðs. Forföll langveikra barna og niðurfelling gjalda vegna þeirra verði metin af leikskólastjórum í hvert sinn. Leikskólagjöld falla niður í sumarfrí barna. Boðið er upp á 4 til 8 vikur á tímabilinu frá 15.maí til 15. september.