Lausar lóðir í Fjarðabyggð er hægt að skoða á kortasjánni með því að velja lausar lóðir í fellivalmyndinni hægra megin.
Byggingarmál
Sækja þarf um leyfi til byggingarframkvæmda eða byggingaráforma til byggingarfulltrúa. Á kortasjá Fjarðabyggðar má nálgast samþykktar teikningar mannvirkja og ýmsar aðrar upplýsingar sem varða lóðir og landnotkun í Fjarðabyggðar sem er gagnlegt að skoða.
Hvenær þarf byggingarleyfi?
Sækja þarf um byggingarleyfi fyrir eftirfarandi framkvæmdum:
- Nýbyggingu húss
- Endurbyggingu eða stækkun húss
- Viðbyggingar og breytingar á húsum
- Rif húsa
- Uppsetningu sólpalla, girðinga og heitra potta
- Byggingu garðhýsa, skúra, smáhýsa
- Uppsetningu varmadæla og móttökulofneta yfir 1,2 m
- Breytta notkun húsnæðis (t.d. úr íbúðarhúsnæði í atvinnuhúsnæði)
Athugið: Sumar minni háttar framkvæmdir kunna að vera undanþegnar byggingarleyfi samkvæmt byggingarreglugerð, grein 2.3.5.
Sótt er um byggingarleyfi í gegnum íbúagátt Fjarðabyggðar.
Stöðuleyfi er tímabundin heimild til að staðsetja tiltekin mannvirki á ákveðnum stað. Þetta á meðal annars við um:
- Hjólhýsi
- Gáma
- Torgsöluhús
- Önnur sambærileg tímabundin mannvirki
Leyfið getur gilt í allt að eitt ár.
Stöðuleyfi er hluti af byggingarleyfisumsókn og er sótt um það í gegnum íbúagátt.
Öryggisúttekt er framkvæmd áður en nýbygging er tekin í notkun, og tryggir að mannvirkið uppfylli öryggiskröfur samkvæmt byggingarreglugerð.
- Framkvæmd áður en notkun hefst.
- Skilyrði fyrir bráðabirgðanotkun mannvirkis.
- Hluti af ferli byggingarleyfis.
Lokaúttekt er framkvæmd þegar mannvirkjagerð er lokið og á að fara fram innan þriggja ára frá því mannvirkið er tekið í notkun og öryggisúttekt fór fram.
- Staðfesting á að mannvirki sé fullklárað og í samræmi við samþykktar teikningar og leyfi.
- Skylda samkvæmt byggingarreglugerð.
- Eftir lokaúttekt er mannvirki formlega tekið í notkun til frambúðar.
Framkvæmdaleyfi er nauðsynlegt fyrir meiriháttar framkvæmdir sem ekki eru háðar byggingarleyfi, en hafa áhrif á umhverfið eða breyta ásýnd þess. Þetta á m.a. við um:
- Gerð gatna, vega, brúa (utan göngubrúa í þéttbýli).
- Holræsi, flutningskerfi rafmagns, hita, vatns og fjarskipta.
- Hafnir, flugbrautir, virkjunarsvæði.
- Jarðgöng, efnistöku og sorpförgun.
- Önnur umfangsmikil mannvirki og framkvæmdasvæði.
Áður en framkvæmdaleyfi er veitt skal liggja fyrir hvort framkvæmdin sé háð mati á umhverfisáhrifum
Sé svo, skal umhverfismati vera lokið áður en leyfi er veitt
Lóðarleigusamningur er formlegur samningur milli Fjarðabyggðar og lóðarleigjanda. Í samningnum koma fram:
- Skilmálar um leigu lóðar
- Stærð, staðsetning og notkun lóðarinnar
- Ársleiga sem reiknuð er út frá fasteignamati lóðarinnar
Lóðarleigusamningur er gerður þegar:
- Lóð hefur verið úthlutað
- Byggingarleyfi hefur verið gefið út
- Undirstöður eru komnar á lóðina
Fyrir lóðir án mannvirkis er samningurinn gerður eftir úthlutun.
Frekari upplýsingar veitir byggingarfulltrúi. Hægt er að bóka viðtalstíma á þriðjudögum á milli 13:00-14:00 og fimmtudögum 10:00-11:00
Gjaldskrá
1. gr.
Byggingarleyfisgjöld.
1.1 Byggingarleyfi og gjald vegna tilkynningarskyldra bygginga.
Byggingarleyfisgjald vegna nýbyggingar stærri en 15 m2er skipt í fast gjald og gjald fyrir hvern rúmmetra byggingar.
Innifalið í gjaldinu er lögboðin meðferð byggingarleyfisskyldra erinda, lóðarblað, yfirferð teikninga, útsetning lóðar og byggingareits húss, öryggis- og lokaúttekt (eitt skipti á hvora) og eftirlit byggingarfulltrúa skv. byggingarreglugerð nr. 112/2012.
| Tegund | Verð |
|---|---|
| Rúmmetragjald fyrir byggingar stærri en 15 m2 | 234kr./m3 |
| Byggingar 15-60 m2 | 123.327 kr. |
| Byggingar stærri en 60 m2 | 215.819 kr. |
| Yfirferð teikninga og umsýsla ( undanþegin leyfisgjaldi í lið 1.1) | 15.418 kr./klst. |
| Vinna byggingarfulltrúa (t.d. ef vinna er umfram innheimtu leyfisgjaldi) | 22.121 kr./klst. |
| Gjöld vegna aðkeyptrar yfirferðar séruppdrátta | samkvæmt reikningi |
| Meiri háttar framkvæmdir undanþegnar hefðbundinni gjaldtöku. | 64.522 kr. |
| Niðurrif mannvirkja | 30.831 kr. |
| Breyting á skráningu byggingar | 30.831 kr. |
| Lágmarksgjald vegna móttöku byggingarleyfisumsóknar | 15.417 kr. |
Greiða skal byggingarleyfisgjald fyrir hverja byggingarleyfisumsókn sem tekin er til umfjöllunar í eigna-, skipulags- og umhverfisnefnd.
Gjöld skv. 1. gr. eru óendurkræf þótt lóðarúthlutun og byggingarleyfi falli úr gildi.
1.2 Gjöld vegna stöðuleyfa.
Stöðuleyfisgjöld eru miðuð við hvern fermetra lausafjármunar. Lágmarksviðmunarstærð stöðuleyfisgjalda er miðuð við 15 m2. Gjald miðar við útgáfu stöðuleyfis. Stöðuleyfi eru að hámarki veitt til 12 mánaða í senn.
| Tegund | Verð |
|---|---|
| Stöðuleyfisgjald lausafjármuna | 3.523 kr./m2 |
1.3 Leigugjöld á skipulögðum gámasvæðum, iðnaðarlóðum og dreifbýli
| Tegund | Verð - Miðað er við almanaksár |
|---|---|
| Leigugjald fyrir 0-15m2 eða minna (jafngildir 20 feta gámi), veitt til eins árs í senn | 58.724 kr. á ári |
| Leigugjald fyrir 16-30 m2 (jafngildir 40 feta gám), veitt til eins árs í senn | 97.873 kr. á ári |
2. gr.
Afgreiðslu- og þjónustugjöld.
2.1 Leyfisveitingar og úttektir.
| Tegund | Verð |
|---|---|
| Aðrar leyfisveitingar, úttektir og vottorð (vínveitingaleyfi, húsaleiguúttektir, umsagnir vegna rekstrarleyfa o.fl.) | 30.830 kr. |
| Úttektir vegna byggingarstjóraskipta | 30.830 kr. |
| Úttektir vegna meistaraskipta | 30.830 kr. |
| Stöðuúttektir (undanþegin leyfisgjaldi í lið 1.1) | 30.830 kr. |
| Lágmarksgjald vegna annarra leyfisveitinga | 15.417 kr. |
2.2 Afgreiðslur.
| Tegund | Verð |
|---|---|
| Afgreiðslur eignaskiptayfirlýsinga | 61.664 kr. |
| Yfirferð eignaskiptayfirlýsinga, | Samkvæmt reikningi Þjóðskrár |
| Breyting á lóðarleigusamningi að beiðni lóðarhafa | 61.664 kr. |
| Umsýslugjald vegna lóðarúthlutunar | 56.420 kr. |
| Umsýslugjald vegna stofnunar lóða | 30.830 kr. |
| Gjald vegna kostnaðar ÞÍ vegna stofnunar lóðar | Samkvæmt reikningi |
| Umsýslugjald vegna útsetningar lóðarmarka að beiðni lóðarhafa | 15.417 kr. |
| Gjald vegna kostnaðar við lóðarútsetningu | Samkvæmt reikningi |
| Efnistökuleyfi | 40.126 kr. |
| Lágmarksgjald vegna annarra afgreiðslna | 15.417 kr. |
3. gr.
Meginreglur vegna breytinga á aðal- og/eða deiliskipulagi
Gjaldskráin byggir á þeirri meginreglu að aðili sem óskar eftir breytingu á aðal- og/eða deiliskipulagi skuli greiða þann kostnað sem breytingin hefur í för með sér. Í því felst að umsækjandi greiðir kostnað vegna nýrra uppdrátta, breytinga á uppdráttum, auglýsinga og kynninga vegna málsins. Eigna-, skipulags- og umhverfisnefnd getur ákveðið að falla frá gjaldtöku ef skipulagsvinna á vegum sveitarfélagsins er yfirstandandi eða fyrirhuguð á svæðinu eða skipulagsáætlun þarfnast breytinga af öðrum ástæðum, enda hafi það ekki í för með sér viðbótarkostnað fyrir sveitarfélagið. Ef kostnaður vegna vinnu skipulags- og byggingarfulltrúa eða aðkeyptrar vinnu er, vegna umfangs, verulega umfram viðmiðunargjald verksins er heimilt að leggja á til viðbótar tímagjald skipulags- og byggingarfulltrúa sem er 15.417kr./klst. eða gjald skv. reikningi.
Skilgreiningar:
Umsýslu- og auglýsingakostnaður: kostnaður sveitarfélagsins við afgreiðslu umsóknar, birtingar auglýsinga og annarrar umsýslu.Breytingarkostnaður: kostnaður sem fellur til innan sveitarfélags við gerð nýs deiliskipulags eða breytingar á gildandi aðal- eða deiliskipulagsuppdrátta.
3.1 Kostnaður vegna aðalskipulagsbreytinga.
| Tegund | Verð |
|---|---|
| Breyting á aðalskipulagsuppdrætti, sbr. 36. gr. | Aðkeypt vinna samkvæmt reikningi |
| Umsýslu- og auglýsingakostnaður, sbr. 2. mgr. 36. gr. | 82.479 kr. |
3.2 Kostnaður vegna deiliskipulags.
| Tegund | Verð |
|---|---|
| Nýtt deiliskipulag, sbr. 2. mgr. 38. gr. | Aðkeypt vinna samkvæmt reikningi. |
| Veruleg br. á deiliskipulagsuppdr., sbr. 1. mgr. 43. gr. | Aðkeypt vinna samkvæmt reikningi. |
| Óveruleg br. á deiliskipulagsuppdr., sbr. 2. mgr. 43. gr. | Aðkeypt vinna samkvæmt reikningi. |
| Umsýslu- og auglýsingakostn., sbr. 2. mgr. 38. gr. og 1. og 2. mgr. 43. gr. | 82.479 kr. |
3.3 Kostnaður vegna framkvæmdaleyfis.
| Tegund | Verð |
|---|---|
| Framkvæmdaleyfi - framkvæmdir skv. 1. og 2. viðauka laga um mat á umhverfisáhrifum nr. 111/2021, viðmiðunargjald | 178.158 kr. |
| Framkvæmdaleyfi – aðrar framkvæmdir | 74.219 kr. |
| Framkvæmdaleyfi – aðrar minni framkvæmdir | 30.832 kr. |
| Eftirlit umfram eina ferð, sem er innifalin í framkvæmdaleyfisgjaldi | 15.417 kr. |
| Lágmarksgjald vegna annars kostnaðar við leyfisveitingar | 15.417 kr. |
4. gr.
Einingarverð og gildistaka.
Gjaldskrá þessi er sett fram með heimild í 51. og 53. gr. laga um mannvirki nr. 160/2010 ásamt heimild í 20. gr. skipulagslaga nr. 123/2010 og öðlast gildi 1. janúar 2025. Jafnframt fellur úr gildi gjaldskrá nr. 1434/2023.
Álagning fasteignagjalda í Fjarðabyggð er sem hér segir:
Fasteignaskattur A verði 0,400 %1 af húsmati og lóðarhlutamati
Fasteignaskattur B verði 1,32 %2 af húsmati og lóðarhlutamati
Fasteignaskattur C verði 1,65 %3 af húsmati og lóðarhlutamati.
Lóðarleiga íbúðarhúsnæðis verði 0,70 % af lóðarhlutamati.
Lóðarleiga atvinnuhúsnæðis verði 3,00 % af lóðarhlutamati.
Vatnsgjald, fast gjald verði 4.985 kr. á hverja veitu og 408 kr. á hvern fermetra.
Fráveitugjald verði 0,3232 % af húsmati.
Sorphreinsunargjald verði 53.279 kr. á heimili.
Sorpeyðingargjald verði 36.639 kr. á heimili.
Fjöldi gjalddaga verði tíu – mánaðarlega frá 1. febrúar. Eindagi fasteignagjalda er síðasti virki
dagur gjalddagamánaðar.
1) Íbúðarhúsnæði og eignir skv. 2.gr. reglugerðar um fasteignaskatt nr. 1160/2005 sbr. lög um tekjustofna sveitarfélaga nr. 4/1995.
2) Sjúkrastofnanir og eignir skv. 3.gr. reglugerðar um fasteignaskatt nr. 1160/2005 sbr. lög um tekjustofna sveitarfélaga nr. 4/1995.
3) Atvinnuhúsnæði og annað húsnæði skv. 4.gr. reglugerðar um fasteignaskatt nr. 1160/2005 sbr. lög um tekjustofna sveitarfélaga nr. 4/1995
Reglur um afslátt af fasteignaskatti elli- og örorkulífeyrisþega árið 2025
1. gr.
Tekjulágum ellilífeyrisþegum, 67 ára og eldri sem og örorkulífeyrisþegum með fulla örorku (75%) fyrir
1. janúar 2025 sem eiga lögheimili í Fjarðabyggð er veittur afsláttur af fasteignaskatti, samkvæmt
ákvörðun bæjarstjórnar Fjarðabyggðar ár hvert og reglum þessum, sbr. heimild í 4.mgr. 5 gr. laga nr.
4/1995 um tekjustofna sveitarfélaga.
Niðurfelling fasteignaskatts skal vera tekjutengd og miðuð við árstekjur 2024 samanber álagningu
skattstjóra 2025 og er sem hér segir:
a) Einstaklingar: Brúttótekjur allt að kr. 6.593.838 100% afsláttur
Brúttótekjur yfir kr. 8.720.199 0% afsláttur
b) Hjón og samskattað sambýlisfólk:
Brúttótekjur allt að kr. 10.015.200 100% afsláttur
Brúttótekjur yfir kr. 11.969.507 0% afsláttur
Afsláttur af fasteignaskatti er tekjutengdur og er allt að kr. 108.077118.755.-. Afsláttur er hlutfallslegur
og reiknaður af fasteignaskatti viðkomandi eignar. Tekið er tillit til allra skattskyldra tekna, þ.m.t. eigna-
og fjármagnstekna síðastliðins árs skv. skattframtali. Miðað er við sameiginlegar tekjur hjóna og
samskattaðs sambýlisfólks.
2. gr.
Afsláttur af fasteignaskatti miðast við að elli- og örorkulífeyrisþegar eigi og búi í því húsnæði sem
afslátturinn er veittur af. Rétt til afsláttar eiga einnig þeir elli- og örorkulífeyrisþegar sem búa á
stofnunum og hafa lögheimili þar þrátt fyrir að þeir séu ekki með lögheimili í húsnæðinu.
Skilyrði er að húsnæðið sé eingöngu nýtt í eigin þágu, s.s. til tómstundaiðkunar. Réttur þessi er ekki til staðar ef
atvinnustarfsemi fer fram í húsnæðinu eða húsnæðið er leigt út.
Hjón og samskattað sambýlisfólk fær fullan afslátt þó einungis annar aðilinn uppfylli skilyrði 2. gr. Ef
um fleiri en einn íbúðareiganda er að ræða að eign, sem ekki uppfylla skilyrði um afslátt er veittur
afsláttur skv. 1.gr í samræmi við eignarhlut þeirra.
3. gr.
Hafi orðið veruleg breyting á högum umsækjanda er fjármálasviði heimilt að víkja frá skilyrðum 2. gr.
þessara reglna varðandi búsetu í íbúð og viðmiði um tekjumörk.
4. gr.
Bæjarstjórn Fjarðabyggðar veitir Þjóðskrá leyfi til að sækja upplýsingar með öruggum hætti í gegnum
vefþjónustu ríkisskattstjóra (RSK) um tekjuskattsstofn elli- og örorkulífeyrisþega vegna útreiknings
afsláttar þeirra á fasteignaskatti og að gera samning við RSK þar að lútandi.
5. gr.
Útreikningur fasteignaskattsafsláttar á álagningarseðli fasteignagjalda sem gefinn er út í byrjun febrúar
miðast við tekjur ársins 2023 til bráðabirgða og tekjuviðmiðun ársins 2024. Afslátturinn er síðan
endurskoðaður þegar álagning skatta ársins 2024 liggur endanlega fyrir vegna eftir álagningu 2025 og
er þá miðað við tekjuviðmiðunina skv.1.
Síðast uppfært: 20.08.2025