Skapandi sumarstörf

Skapandi sumarstörf í Fjarðabyggð eru frábær tækifæri fyrir ungt fólk sem vill efla listsköpun sína og lífga upp á sveitarfélagið með skapandi verkefnum og listviðburðum. Skapandi sumarstörf eru fyrir einstaklinga með áhuga á myndlist, sviðslistum, skrifum, ljósmyndun, tónlist, kvikmyndagerð eða öðrum skapandi greinum.

Opnað er fyrir umsóknir á hverju vori. Skapandi sumarstörf er fyrir ungt fólk á aldrinum 18 - 25 ára. Starfið byggist á skapandi þjónustu við samfélagið, svo sem listrænum viðburðum í byggðakjörnunum. Þátttakendur fá tækifæri til að vinna sjálfstætt og í hóp undir leiðsögn verkefnastjóra. Umsækjendur þurfa að hafa áhuga á að læra nýja hluti, kanna ný listform og þróa eigin verkefni.

Við val á umsækjendum er tekið tillit til:

Reynslu og frumleika hugmynda
Sýnileika og fjölbreytni verkefna
Kynjahlutfalls og gæða umsókna

Umsókninni þarf að fylgja kynningarbréf með upplýsingum um umsækjanda, áhugasvið og hugmyndir að verkefnum.

Hvernig sæki ég um?

Sótt er um skapandi sumarstörf á ráðningarvef sveitarfélagsins.

Frekari upplýsingar:

Verkefnastjóri Menningarstofu, veitir nánari upplýsingar í síma 470-9061 eða á netfangið menningarstofa@fjardabyggd.is.