Þórsmörk - listamannasetur

Þórsmörk listamannasetur býður listamönnum upp á allt að átta vikna rannsóknardvöl í Neskaupatað, Norðfirði.
Dvalir eru skipulagðar í samstarfi við Sköpunarmiðstöðina á Stöðvarfirði, með áherslu á staðbundnar rannsóknir á náttúru, náttúruafurðum, umhverfi, handverksögu og frásögnum íbúa Fjarðabyggðar.

Hverjir geta sótt um?

Listamenn og hönnuðir í öllum miðlum
Sýningarstjórar
Rannsakendur á sviði lista, menningar og matargerðar

Aðstaða

Dvalarstaður: Þórsmörk – Þiljuvellir 11, 740 Neskaupstað.
Einstaklingsherbergi með sameiginlegri aðstöðu fyrir eldamennsku, stofu og vinnurými.
Sýningarsalir og samkomueldhús á jarðhæð.
Silfursmiðja í kjallara (aðgengi með leyfi).
Aðstaða í Sköpunarmiðstöðinni á Stöðvarfirði eftir samkomulagi (keramíkvinnustofa og smíðaverkstæði).

Skilyrði

Listamenn skulu halda a.m.k. 2 – 4 viðburði, eftir lengd dvalar (4 eða 8 vikur). Dæmi um viðburði:

Opin vinnustofa
Listamannaspjall
Sýningar í samráði við Menningarstofu
Námskeið fyrir íbúa Fjarðabyggðar (kostnaður greiddur af Menningarstofu)

Lengd og kostnaður

Dvalartímabil: 4 – 8 vikur (Tímabilinu mars – október)
Kostnaður: Ferðakostnaður, verkefnakostnaður og máltíðir greiðast af listamanninum.
Innifalið: Svefnrými, vinnustofa, sýningar- og viðburðarými, faglegur stuðningur.

Umsóknarferli

Tekið er á móti umsóknum árlega í byrjun árs á netfangið menningarstofa@fjardabyggd.is. Umsóknarfrestur fyrir 2025 var 20. febrúar.

Umsókninni þarf að fylgja:

Portfolio listamanns
Kynningarbréf með áherslu á staðbundnar listrannsóknir
Ósk um tímabil (4 – 8 vikur, mars – október )

Viðmið við yfirferð umsókna:

Listrænt gildi tillögu
Skýrt staðbundið rannsóknarefni
Virkjun samfélagsins er kostur
Hæfni umsækjanda til að starfa sjálfstætt
Jafnræði og þátttaka einstaklinga úr minnihlutahópum

Nánari upplýsingar veitir forstöðumaður Menningarstofu á netfangið menningarstofa@fjardabyggd.is