Sjóminjasafn Austurlands
Einnig eru þar verslunarminjar og hlutir sem tilheyra ýmsum greinum iðnaðar og lækninga frá fyrri tíð. Sjóminjasafnið er staðsett í gömlu verslunarhúsi, Gömlu búð, sem byggt var 1816. Gamla búð hefur þjónað margvíslegum hlutverkum í bæjarfélaginu eftir að verslun var flutt, fyrst sem pakkhús og síðar fiskgeymsla, veiðarfærageymsla o.fl. Endurbygging hússins hófst árið 1968 og þar var þá flutt ofar í lóðina til að rýma fyrir vegaframkvæmdum og árið 1983 var verkinu lokið. Þá var búið að ákveða stofnun sjóminjasafns á Eskifirði og var því komið fyrir í húsinu. Safnið var opnað almenningi 4. júní 1983. Einnig er safnið með sýningaraðstöðu á efri hæð Randulffs Sjóhúss á Eskifirði, sem reist var af norskum síldarveiðimönnum í upphafi 20. aldar. Á neðri hæðinni er rekinn veitingastaður yfir sumartímann.
Opnunartími:
Sjóminjasafn Austurlands er opið alla daga vikunnar yfir sumartímann (1. júní til 31. ágúst) frá kl. 13:00–17:00.
Frá 1. september til 31. maí eftir samkomulagi í síma 470 9063 eða sofn@fjardabyggd.is