174. fundur

1. desember 2009 kl. 09:00 - 11:00

í fundarsal á bæjarskrifstofunum að Hafnargötu 2 á Reyðarfirði

Fundargerð ritaði:

Gunnlaugur Sverrisson forstöðumaður stjórnsýslu

Dagskrá

1.

Undirbúningur fjárhagsáætlunar fyrir Fjarðabyggð - 2010

Jóna Árný Þórðardóttir forstöðukona fjármála og Björgvin Valdimarsson sérfræðingur á fjármálasviði sátu þennan lið fundarsins og fóru yfir forsendur fjárhagsáætlunar og drög að úthlutun fjárhagsramma vegna ársins 2010. Fjárhagsrammar verða sendir stjórnendum síðar í dag og nefndarfundir verða haldnir í næstu viku. Skil til fjármálasviðs eru síðan seinni hluta næstu viku og því næst fær bæjarráð áætlanirnar aftur til umfjöllunar.

2.

Leiruvogur 2 - umsókn um breytingu á lóð

Málsnúmer 0911146

Umsókn frá Leirunni ehf. frá 24.nóvember, um stækkun á lóð nr. 2 við Leiruvog á Reyðarfirði og greinargerð skipulagsfulltrúa þar sem lagt er til að fallist sé á umbeðna stækkun enda er hún í samræmi við deiliskipulag. Bæjarráð samþykkir stækkun á lóðinni um 450 m2, úr 2.700 m2 í 3.150 m2, sbr. meðfylgjandi lóðarblöð.

3.

Útboð - Sorp 2009

Málsnúmer 0911082

Staðgengill umhverfisstjóra sat þennan lið fundarins. Bæjarráð samþykkir framlagða samþykkt um meðhöndlun úrgangs sem vísað var frá umhverfis-og skipulagsnefnd og samþykkir einnig breytingar á opnunartíma söfnunarstöðva.

4.

Tillögur um skipulagðar samgöngur nemenda í VA og íþróttahópa skólaárið 2009-2010

Málsnúmer 0908047

Starfandi umhverfisstjóri sat þennan lið fundarins. Framlagt minnisblað frá 1.desember 2009 um fyrirkomulag skólaaksturs í Verkmenntaskóla Austurlands á haustönn 2009. Bæjarráð felur starfandi umhverfisstjóra að ganga frá samkomulagi við VA og akstursaðila, samþykkir áætlaðan kostnað á vorönn 2010 og vísar honum til fjárhagsáætlunar. Bæjarráð bendir á að kanna eigi samkvæmt fyrri samþykkt fjölda nemenda á suðurfjörðum sem hyggjast nýta akstur í VA á vorönn 2010 og felur umhverfisstjóra að gera þessa könnun.

5.

Styrkur til Salthússins

Málsnúmer 0911138

Beiðni Varbergs ehf. - vegna starfsemi Salthússins Fjarðarbraut 40 Stöðvarfirði - frá 19.nóvember um styrk vegna fasteignagjalda. Bæjarráð óskar eftir umsögn frá forstöðumanni stjórnsýslu og að drög að reglum um styrkveitingar til greiðslu fasteignaskatts verði lagðar fyrir næsta fund.

6.

Notkun á félagsheimilinu Valhöll

Málsnúmer 2009-02-10-194

Bæjarráð ítrekar fyrri ákvörðun um flutning Knellunnar í húsnæði gömlu bæjarskrifstofunnar á Eskifirði og felur æskulýðs- og íþróttafulltrúa að hefja flutning sem fyrst þannig að hægt verði að hefja starfsemi með sóma og fullri starfsemi 22.febrúar 2010.

7.

Mótmæli starfsfólks vegna lokunar skrifstofu Fjarðabyggðar í Neskaupstað

Málsnúmer 0911148

Forstöðukona fjármála og mannvirkjastjóri sátu þennan lið fundarins. Framlagt svar bæjarráðs við bréfi átta starfsmanna bæjarskrifstofunnar í Neskaupstað þar sem lokun skrifstofunnar er mótmælt.

8.

Þjónustugáttir í bókasöfnum - sameining bæjarskrifstofu

Málsnúmer 0911132

Forstöðukona fjármála og mannvirkjastjóri sátu þennan lið fundarins. Framlagt minnisblað mannvirkjastjóra frá 30.nóvember vegna lokunar bæjarskrifstofu í Neskaupstað, um samanburð á möguleikum á starfsaðstöðu í Neskaupstað þegar upp koma sérstakar aðstæður. Í tengslum við ákvörðun bæjarráðs, um lokun bæjarskrifstofu í Neskaupstað sem tekin var á fundi bæjarráðs 12.nóvember, er ráðið sammála um að stefnt skuli að sameinuð bæjarskrifstofa á Reyðarfirði taki til starfa í desember samkvæmt fyrirliggjandi aðgerðaáætlun.

9.

Fundargerð félagsmálanefndar 23.11.2009

Málsnúmer 0911137

Fundargerð lögð fram.

10.

Fundargerð fræðslunefndar nr.23

Málsnúmer 0911011F

Fundargerð lögð fram.

11.

Fundargerð menningar-, íþrótta- og ferðamálanefndar nr.29

Málsnúmer 0911007F

Fundargerð lögð fram.

12.

Fundargerð umhverfis- og skipulagsnefndar nr.37

Málsnúmer 0911010F

Fundargerð lögð fram.