179. fundur

5. janúar 2010 kl. 09:15 - 11:00

í fundarsal á bæjarskrifstofunum að Hafnargötu 2 á Reyðarfirði

Fundargerð ritaði:

Gunnlaugur Sverrisson forstöðumaður stjórnsýslu

Dagskrá

1.

Styrkur til Salthússins

Bæjarráð samþykkir tillögu í minnisblaði forstöðumanns stjórnsýslu frá 2.desember um styrk til Salthússins sbr. reglur um styrki til greiðslu fasteignagjalda.

2.

Umsókn Björgunarsveitarinnar Gerpis um styrk til greiðslu fasteignagjalda

Málsnúmer 0911154

Bæjarráð samþykkir tillögu í minnisblaði forstöðumanns stjórnsýslu frá 18.desember um styrki til björgunarsveitanna í Fjarðabyggð sbr. reglur um styrki til greiðslu fasteignagjalda.

3.

Ósk um niðurfellingu á leigu Fjarðabyggðarhallar

Málsnúmer 0912087

Beiðni Knattspyrnudómarafélags Austurlands frá 21.desember um niðurfellingu á leigu í Fjarðabyggðarhöllinni. Vísað til umsagnar æskulýðs- og íþróttafulltrúa.

4.

Umsókn Golfklúbbs Fjarðabyggðar um framkvæmdastyrk 2010

Málsnúmer 0912039

Bréf Golfklúbbs Fjarðabyggðar frá 30.nóvember er varðar framkvæmdastyrk til golfvallagerðar en erindi var vísað frá MÍF. Forstöðumanni stjórnsýslu falið að afla umsagnar og leggja fyrir næsta fund bæjarráðs.

5.

Umsókn um styrk vegna reksturs á leitarhundum Björgunarsveitarinnar Gerpis

Málsnúmer 0911153

Bréf Björgunarsveitarinnar Gerpis frá 27.nóvember sem vísað var frá MÍF. Bæjarráð samþykkir að styrkja rekstur leitarhunda Björgunarsveitarinnar Gerpis um 300.000 á árinu 2009.

6.

Umsókn um styrk vegna reksturs Björgunarsveitarinnar Gerpis á árinu 2009

Málsnúmer 0911155

Forstöðumanni stjórnsýslu falið að fara yfir ónýttar fjárheimildir á árinu 2009 sem eru til ráðstöfunar til styrktar björgunarsveitanna í Fjarðabyggð. Tekið fyrir á næsta fundi.

7.

Fundargerð 4.stjórnarfundar NA 2009

Málsnúmer 0912067

Fundargerð lögð fram til kynningar.

8.

Þjónustusamningur um Norðfjarðarflugvöll

Málsnúmer 0904038

Samningur frá 14.desember lagður fram.

9.

Greinargerð Náttúrustofu Vesturlands um umhverfisvottun Íslands

Málsnúmer 0912089

Lagt fram og vísað til kynningar í umhverfis- og skipulagsnefnd.

10.

770. fundargerð stjórnar Sambands íslenskra sveitarfélaga frá 11.desember.

Málsnúmer 0912101

Fundargerð lögð fram til kynningar.

11.

Læknisþjónusta í Fjarðabyggð

Málsnúmer 0903114

Framlagt bréf heilbrigðisráðuneytisins til Heilbrigðisstofnunar Austurlands frá 21.desember vegna skýrslu sálfræðinganna Einars Gylfa Jónssonar og Þórkötlu Aðalsteinsdóttur um úttekt á starfsemi HSA í Fjarðabyggð og tillögur þeirra.

12.

Golfklúbbur Eskifjarðar - Golfklúbburinn Gríma

Málsnúmer 1001001

Minnisblað Regula lögmannsstofu frá 4.janúar er varðar málefni golfvallarins á Eskifirði. Bæjarráð samþykkir tillögu í minnisblaði Regula um riftun samnings við Golfklúbb Eskifjarðar.

13.

Tillögur um skipulagðar samgöngur nemenda í VA skólaárið 2009-2010

Málsnúmer 0908047

Díana Mjöll Sveinsdóttir vék af fundi. Þennan lið fundarins sátu Jóna Árný Þórðardóttir forstöðukona fjármála og Katrín Dóra Þorsteinsdóttir fyrrum starfandi fjármálastjóri var í símasambandi. Rætt um fyrirkomulag skólaaksturs í VA á vorönn 2010. Bæjarráð sammála um að á grundvelli upplýsinga sem fram komu á fundinum, og á grundvelli samnings við VA, verði skólaakstur í VA með óbreyttum hætti, á vorönn 2010. Skólaakstur verði endurskoðaður fyrir næsta skólaár.

14.

Mannvirkjanefnd - 28

Málsnúmer 0912017F

Fundargerð lögð fram.

15.

Menningar-, íþrótta- og ferðamálanefnd - 31

Málsnúmer 0912014F

Fundargerð lögð fram.

Framlagt bréf Jónu Árnýjar Þórðardóttur þar sem hún segir upp starfi sínu sem forstöðukona fjármála hjá Fjarðabyggð. Ákveðið að auglýsa starfið.