201. fundur

22. júní 2010 kl. 09:00 - 11:00

í fundarsal á bæjarskrifstofunum að Hafnargötu 2 á Reyðarfirði

Fundargerð ritaði:

Gunnlaugur Sverrisson forstöðumaður stjórnsýslu

Dagskrá

1.

Tímaskráning - Ályktun frá fundi tónlistarkennara og tónlistarskólastjóra

Minnisblað fræðslustjóra og mannauðsstjóra frá 18.júní. Bæjarráð minnir á þá mikilvægu forsendu viðveruskráningarkerfisins að jafnræðis sé gætt meðal allra starfsmanna Fjarðabyggðar en felur fræðslustjóra og mannauðsstjóra tæknilega útfærslu.

2.

Gamli skólinn Eskifirði - Frá íbúasamtökum Eskifjarðar

Málsnúmer 1005159

Umsögn umhverfisstjóra frá 15.júní. Bæjarráð óskar eftir frá umhverfissviði skrá um hversu mörg hús í Fjarðabyggð eru að komast á verndunartíma og yfirlit yfir elstu hús í hverjum þéttbýliskjarna.

3.

Kynning á starfsemi Heilbrigðiseftirlits Austurlands

Málsnúmer 1006169

Lagt fram til kynningar yfirlit yfir starfsemi HAUST. Bæjarráð þakkar mjög greinargott yfirlit.

4.

Skyldur sveitarfélaga samkvæmt lögum nr. 10/2008

Málsnúmer 1006178

Bréf Jafnréttisstofu frá 9.júní lagt fram til kynningar en í bréfinu er minnt á ákvæði laga um jafna stöðu og jafnan rétt kvenna og karla er varða sveitarstjórnir.

5.

Rekstur Fjarðaferða

Málsnúmer 2008-06-10-984

Fulltrúar Fjarðaferða þeir Freysteinn Bjarnason Hlífar Þorsteinsson, Ívar Sæmundsson og Sigurður Rúnar Ragnarsson sátu þennan lið fundarins. Hlífar fór yfir stöðu mála. Rætt um rekstur félagsins. Bæjarstýru falið að kanna stöðu mála hjá samgönguráðuneyti og Byggðastofnun er snúa að Fjarðaferðum.

6.

Ósk um hundasvæði á Norðfirði

Málsnúmer 1004150

Bréf Hundafélags Norðfjarðar frá 2.júní þar sem fram kemur ósk um afnot af afgirtu svæði á Norðfirði. Bæjarráð tekur jákvætt í erindið og vísar því til umhverfissviðs til afgreiðslu.

7.

Atvinnumál ungmenna 17 og 18 ára

Málsnúmer 1006200

Bréf Velferðarvaktarinnar frá 8.júní vegna sumarstarfa unglinga lagt fram til kynningar. Í bréfinu er því beint til sveitarfélaga að leita allra leiða til að tryggja ungmennum 17 - 18 ára vinnu í sumar og þau ungmenni sem ekki fengu vinnu í fyrrasumar njóti forgangs að störfum.

8.

Fundarboð og dagskrá á stofnfjáreigendafundi 28.júní

Málsnúmer 1006203

Fundarboð vegna stofnfjárfundar í Sparisjóði Norðfjarðar sem haldinn verður mánudaginn 28.júní kl.18:00 í Nesskóla. Bæjarráð mun sækja fundinn.

9.

Umferðaröryggi í Fjarðabyggð

Málsnúmer 1006204

Bréf vélhjólaklúbbsins Dreka er varðar umferðaröryggi í Fjarðabyggð lagt fram til kynningar. Vísað til mannvirkjastjóra.

10.

Fundagerðir undirkjörstjórna frá 9.maí til 7.júní 2010

Málsnúmer 1006199

Fundargerðir lagðar fram.

11.

Atvinnuleysi í maí

Málsnúmer 1006230

Upplýsingar lagðar fram til kynningar.

12.

Breytingar á stjórnkerfi og stjórnskipulagi Fjarðabyggðar

Málsnúmer 1006231

Lögð fram tillaga forseta bæjarstjórnar og formanns bæjarráðs um breytingar á stjórnkerfi og stjórnskipulagi Fjarðabyggðar frá 21.júní. Einnig lagðar fram breytingar á samþykkt um stjórn Fjarðabyggðar og fundarsköp bæjarstjórnar og nýjar og breyttar samþykktir fyrir atvinnuþróunar- og menningarmálanefnd, barnaverndarnefnd, eigna-, skipulags- og umhverfisnefnd, félagsmálanefnd og fræðslu- og frístundanefnd.

13.

Umgengismál á Stöðvarfirði

Málsnúmer 1006236

Kvörtun hefur verið fram lögð vegna umgengni að Skólabrautar 12.

Bæjarráð óskar eftir umsögn byggingarfulltrúa og að fengin verði á fund bæjarráðs fulltrúi lögreglu til að fjalla um málið.

14.

Auglýsing á lausu starfi bæjarstjóra.

Málsnúmer 1006237

Farið yfir efni auglýsingar og samþykkt að auglýsa starfið.