206. fundur

10. ágúst 2010 kl. 09:00 - 11:00

í fundarsal á bæjarskrifstofunum að Hafnargötu 2 á Reyðarfirði

Fundargerð ritaði:

Gunnlaugur Sverrisson forstöðumaður stjórnsýslu

Dagskrá

1.

Afleysing fyrir húsvörð Grunnskóla Reyðarfjarðar

Bréf skólastjóra Grunnskóla Reyðarfjarðar frá 26.júlí og minnisblað fræðslustjóra frá 5.ágúst. Vegna veikinda er óskað eftir ráðningu fram til áramóta í starf húsvarðar við Grunnskóla Reyðarfjarðar. Bæjarráð samþykkir tímabundna ráðningu í þrjá mánuði samkvæmt tillögu í minnisblaði fræðslustjóra.

2.

Gjaldskrárbreytingar í skólum Fjarðabyggðar haustið 2010

Málsnúmer 1008012

Framlagt minnisblað fræðslustjóra frá 4.ágúst en í því er óskað eftir staðfestingu bæjarráðs á hækkunum gjaldskráa í skólum samkvæmt samþykktri fjárhagsáætlun 2010. Bæjarráð staðfestir gjaldskrárhækkanir.

3.

Aukning á stofnfé Sparisjóðs Norðfjarðar

Málsnúmer 2008-11-21-1815

Lagt fram til upplýsinga tölvupóstur og gögn frá sparisjóðsstjóra frá 29.júlí er varða fjárhagslega endurskipulagningu Sparisjóðs Norðfjarðar. Aðalfundur er fyrirhugaður í lok ágúst.

4.

Heildarendurskoðun á reglum Jöfnunarsjóðs sveitarfélaga

Málsnúmer 1007023

Lagt fram til kynningar samþykkt stjórnar SSA og bréf til ráðherra og Sambands íslenskra sveitarfélaga vegna fjárhagslegra áhrifa breytts regluverks jöfnunarsjóðs á sveitarfélög á Austurlandi.

5.

Áskorun um átak í umferðaröryggi

Málsnúmer 1008010

Í áskorun foreldra ungra barna sem hefja grunnskólagöngu í haust í Neskaupstað, er skorað á bæjaryfirvöld, lögreglu, sýslumann og aðra er málið varðar, að bæta umferðaröryggi ungra vegfaranda í Neskaupstað. Bæjarráð þakkar áskorunina og vísar henni til eigna-, skipulags- og umhverfisnefndar. Jafnframt er áskoruninni vísað til endurskoðunar á umferðarsamþykkt fyrir Fjarðabyggð með ósk um að vinnu við hana verði hraðað. Bæjarráð beinir þeim tilmælum til lögreglu að í upphafi nýs skólaárs verði eftirlit haft með hraðakstri við grunnskóla Fjarðabyggðar.

6.

Afnot af Félagslundi 4.9.2010

Málsnúmer 1008015

Rætt um fyrirkomulag kynningar á fundi Oddfellowstúkna á Íslandi.

7.

Fundur bæjarráðs Fjarðabyggðar og forstjóra Alcoa-Fjarðaáls í ágúst 2010

Málsnúmer 1008031

Farið yfir dagskrá og fyrirkomulag fyrirhugaðs fundar með forstjóra Alcoa-Fjarðaáls sem haldinn verður um miðjan ágúst.

8.

Hugmyndir Zdenek Paták um nýtingu frystihússins á Stöðvarfirði

Málsnúmer 1008038

Þennan lið fundarins sátu Björgvin Valur Guðmundsson og Zdenek Paták. Framlagt bréf Björgvins Vals Guðmundssonar frá 7.ágúst þar sem vakin er athygli á hugmyndum Zdenek Paták og nokkurra einstaklinga um nýtingu frystihússins á Stöðvarfirði sem fyrirhugað er að rífa. Zdenek fór yfir hugmyndirnar og mun leggja fram nánari útlistun í byrjun október. Bæjarráð sammála um að fresta fundi með íbúum á Stöðvarfirði fram í miðjan október.

9.

Ársreikningur Veturhúsa 2009

Málsnúmer 1008028

Ársreikningur lagður fram til kynningar.

Í ljósi þess að búið er að bjóða út vetrarþjónustu á snjómokstri á Fagradal og Oddsskarði vill bæjarráð Fjarðabyggðar ítreka að þjónusta á Oddsskarði hefur á síðustu misserum verið til mikillar fyrirmyndar. Verktaki sem sinnt hefur snjómokstri á Oddsskarði hefur haft góða staðarkunnáttu og öflugan t