Fara í efni

Bæjarráð

210. fundur
31. ágúst 2010 kl. 09:00 - 11:00
í fundarsal á bæjarskrifstofunum að Hafnargötu 2 á Reyðarfirði
Fundargerð ritaði:
Gunnlaugur Sverrisson forstöðumaður stjórnsýslu
Dagskrá
1.
Kostnaður við menntun sjúkraflutningamanns
Málsnúmer 1008134
Lagt fram minnisblað slökkviliðsstjóra frá 27.ágúst þar sem óskað er eftir fjárveitingu vegna menntunar sjúkraflutningamanns.  Bæjarráð frestar afgreiðslu til næsta fundar, óskar eftir að slökkviliðsstjóri komi inn á fund og leggi einnig fram brunavarnaráætlun.   
2.
Endurnýjun á öldubrjótum
Málsnúmer 0909137
Bréf sunddeildar Þróttar frá 22.ágúst þar sem óskað er eftir að öldubrjótar í sundlaug Norðfjarðar verði endurnýjaðir.  Sambærilegu erindi var á síðasta ári vísað til fjárhagsáætlunar 2010. Samkvæmt upplýsingum frá æskulýðs- og íþróttafulltrúa er ekki fjármagn á áætlun æskulýðsmála til að endurnýja öldubrjótana. Beiðni um kaup á öldubrjótum samþykkt og vísað til fjárhagsáætlunar 2011.
3.
Nýtt hjúkrunarheimili á Eskifirði
Málsnúmer 0903017
Lögð fram bráðabirgðaniðurstaða kærunefndar útboðsmála frá 24.ágúst en samkvæmt henni er samningsferli á grundvelli hönnunarsamkeppni um hjúkrunarheimili í Fjarðabyggð, sbr. útboð nr. 14838, stöðvuð þar til endanlega hefur verið skorið úr kæru.
4.
Beitingarskúrar og geymsla við Hafnarbraut 51 740
Málsnúmer 1008118
Lagt fram minnisblað mannvirkjastjóra frá 30.ágúst.  Bæjarráð samþykkir að gengið verði frá samkomulagi við eigendur sbr. tillögur í minnisblaði.
5.
Niðurgreiðslur á raforku til húshitunar
Málsnúmer 1008139
Tölvupóstur formanns samtaka sveitarfélaga á köldum svæðum frá 27.ágúst er varðar niðurgreiðslur á raforku til húshitunar, lagður fram til kynningar, en í póstinum er hvatt til að umræða um málið verði tekin á vettvangi aðalfunda landshlutasamtaka.  
6.
Merkingar á tjaldstæðum
Málsnúmer 1008140
Bæjarráð óskar eftir að mannvirkjasvið hugi að merkingum á tjaldstæðum í Neskaupstað en vísbendingar eru um að ferðamenn hafi átt í vandræðum með að finna tjaldstæðin.
7.
Aðalfundur 2010 - Fjarðaferðir
Málsnúmer 1008101
Rætt var um aðalfund Fjarðaferða sem haldinn var 28.ágúst.
8.
Atvinnumál á Stöðvarfirði
Málsnúmer 1007205
Bæjarstýra gerði grein fyrir fundi með forstjóra Íslandspósts og formanni samgönguráðs. Bæjarráð felur atvinnu- og menningarnefnd að láta kanna möguleika á að starfrækja upplýsingamiðstöð á Stöðvarfirði.
9.
Eigna- skipulags- og umhverfisnefnd - 2
Málsnúmer 1008004F
Fundargerð lögð fram.
10.
Fræðslu- og frístundanefnd - 2
Málsnúmer 1008006F
Fundargerð lögð fram.
Fundir bæjarstjórnar fram til áramóta á fimmtudögum verða sem hér segir; 2.9. - 16.9. - 7.10. - 21.10. - 4.11. - 18.11. - 2.12. - 16.12. Stefnt er á að seinni umræða um fjárhagsáætlun 2011 verði lokið fyrir lok nóvember.